“Fijerena An’izao Tontolo Izao” Any Am-pianarana
NAMPIASA tsara tany am-pianarana ny gazety Mifohaza! i Edelmira, tovovavy iray 15 taona mipetraka any Etazonia. Nanoratra toy izao izy tao amin’ny taratasy nalefany ho an’ny mpampanonta:
“Isaky ny zoma, dia asaina hanao famelabelaran-kevitra momba ny zava-niseho vao haingana izahay. Namaky ny Mifohaza! tamin’ny 8 May 2000 aho, ka nanapa-kevitra fa hampiasaiko ho fototry ny famelabelarako ilay lahatsoratra hoe ‘Miaiky ny Orinasa Iray Mpanao Sigara fa Miteraka Kansera ny Sigara’, tao amin’ny ‘Fijerena An’izao Tontolo Izao’. Nanao famintinana an-tsoratra sy namaky azy io tamin’ireo iray kilasy tamiko aho. Nihaino tsara ny mpampianatra sy ireo mpianatra. Rehefa vita ny famelabelarako, dia nanontany ahy, teo anatrehan’ny iray kilasy mihitsy, ny iray tamin’ny mpiara-mianatra amiko, raha nila fotoana ela nitadiavana ilay fanazavana aho. Nomeko azy ilay Mifohaza! May ny hamaky azy io izy. Tamin’ny fianarana ny taranja nanaraka, dia nahita azy ny tovolahy iray, iray kongregasiona aminay. Nolazainy fa mbola teo am-pamakiana ilay gazety ilay tovovavy no hitany. Lazain’ilay tovovavy izao fa ta hahazo ny nomerao rehetra amin’ny Mifohaza! sy ny gazety namany hoe Ny Tilikambo Fiambenana izy.
Nahatonga ahy hirehareha noho ny maha Vavolombelon’i Jehovah ahy io zava-nitranga io. Nampianatra ahy izy io fa maro be ireo fahafahana ananantsika hiresaka momba an’i Jehovah.” Mamarana ny taratasiny toy izao i Edelmira: “Tiako ny hisaotra anareo noho ianareo miasa mafy hanao ireo gazety ireo. Tohizo ny famoahanareo ny ‘Fijerena An’izao Tontolo izao’!”