Avy Amin’ny Mpamaky

Izao Rehetra Izao Tiako be ilay fitohitohizan-dahatsoratra hoe “Izao Rehetra Izao—Niseho Noho ny Kisendrasendra Ve?” (8 Oktobra 2000) Tena mahaliana ny mahita fa milamina be ny namoronan’i Jehovah Andriamanitra ny zava-drehetra. Asehon’ilay lahatsoratra mazava tsara fa noforonina isika fa tsy nivoatra miandalana.

E. V., Etazonia

Fanatanjahan-tena Tafahoatra Tsy ela izay, dia nasaina handray anjara tamin’ny fanatanjahan-tena mampidi-doza, fanao eny an-tendrombohitra, aho. Tena nahaliana ilay izy, nefa niriko ny hahafantatra izay nolazain’ny Baiboly momba ilay raharaha. Andro vitsivitsy tatỳ aoriana, dia azoko ny valiny tao amin’ny lahatsoratrareo hoe “ ‘Fanatanjahan-tena Tafahoatra’—Tokony Hanao Izany Zavatra Mampidi-doza Izany ve Ianao?” (8 Oktobra 2000) Toa tena hampangitakitaka ny hanao izany fanatanjahan-tena mampientanentana izany. Zava-dehibe loatra anefa ny fifandraisako amin’i Jehovah ka tsy te ho faty amin’ny fanaovana izany aho.

M.M.S., Brezila

Nilaza ianareo fa “azo inoana fa tao amin’ny fahitana iray” no nakan’i Satana fanahy an’i Jesosy. Fa angaha moa tsy zavatra tena nihatra taminy ireo fakam-panahy ireo?

C.G.H., Etazonia

Fitantarana maromaro ao amin’ny Baiboly no hanahirana raha raisina ara-bakiteny. Tsy misy mihitsy, ohatra, tendrombohitra avo aoka izany ka ahafahan’i Satana mampiseho “ny fanjakana rehetra amin’izao tontolo izao mbamin’ny voninahiny” amin’i Jesosy. Sady tsy azo inoana koa ny hamelan’i Jesosy an’i Satana ‘hitondra azy ara-bakiteny hankany amin’ny tanàna masina’ sy hampitoetra azy ‘eo an-tampon’ny tempoly’. (Matio 4:5-8) Koa mazava àry fa nisy karazana fahitana tafiditra tamin’izay. Na izany aza anefa, dia tena nisy tokoa ilay fakan’i Satana fanahy an’i Kristy. Nampiseho ny hamafin’ny tsy fivadihan’i Jesosy ny nandavany tsy ho resin’izany fakam-panahy izany.—MPAMPANONTA.