Avy Amin’ny Mpamaky

Hanifisana Tena nahaliana ahy ilay lahatsoratra hoe “Manontany ny Tanora Hoe... Nahoana Aho no Manify Kely toy Izao?” (8 Oktobra 2000) Vehivavy 32 taona aho, efa nahia kely foana anefa aho hatramin’izay, ary mahamenatra ahy ny bikako. Nisy nananihany foana aho nandritra ny androm-piainako ary nopetahana anarana toy ny hoe Kely Fingotra. Nahakivy ahy izany matetika. Tiako erỳ ny filazanareo hoe tokony hitady olona izay mihevitra antsika ho sarobidy noho ny maha izy antsika anaty isika. Tsy tokony hihevitra ny hafa ho tsy misy vidiny noho ny toe-batany ny Kristianina.

W. L., Etazonia

Izao Rehetra Izao Misaotra indrindra anareo noho ilay fitohitohizan-dahatsoratra hoe “Izao Rehetra Izao—Niseho Noho ny Kisendrasendra Ve?” (8 Oktobra 2000) Mpianatra momba ny biolojia ao amin’ny taona voalohany aho. Toy ny hoe boky fianarana ireo lahatsoratra rehefa vakina, kanefa mahakasika ny Mpamorona iray manan-tsaina ny foto-keviny, fa tsy ny teorian’ny evolisiona akory. Mamelombelona erỳ ny mahita io fanazavana io izay marina sy azon’ny saina ekena!

K. L., Etazonia