Iza no namorona anao?

1 Nanao ny lanitra sy ny tany Andriamanitra.—Genesisy 1:1

2 Manana anarana Andriamanitra. Jehovah no anarany.—Salamo 83:18

Mipetraka any an-danitra i Jehovah. Fanahy izy. Tsy afaka mahita azy ianao.—Isaia 66:1; Jaona 1:18; 4:24

3 Nanao anjely maro be tany an-danitra i Jehovah Andriamanitra. Fanahy koa izy ireny. Tsara avokoa izy rehetra tany am-boalohany. Taloha, dia naka endrik’olombelona izy ireny indraindray mba hahafahan’ny olona hahita azy.—Hebreo 1:7

4 Nanao ny biby i Jehovah taloha ela be, talohan’ny nanaovany ny olona.—Genesisy 1:25

5 Nanao lehilahy nomena anarana hoe Adama sy ny vadiny nomena anarana hoe Eva koa i Jehovah.—Genesisy 1:27

Napetrak’Andriamanitra tao amin’ny zaridaina iray tsara tarehy, na paradisa, izy ireo. Vady iray monja no nataony ho an’i Adama. Tokony hijanona amin’ny vadiny tokana ny lehilahy.—Genesisy 2:8, 21, 22, 24

6 Zavamananaina ny olombelona.—Genesisy 2:7, fanamarihana ambany pejy

7 Zavamananaina ny biby.—Genesisy 1:24