Mahaiza Manararaotra ny Fianarana any An-tsekoly
1 Izao no fotoana anontanian’ny ankizy maro hoe: “Dia tsy maintsy miverina any am-pianarana sahady indray ve aho?” Marina fa mety hisy zava-tsarotra sy tebiteby sasany mifandray amin’ny fiverenana any am-pianarana. Misy soa maro koa anefa ho azon’ireo tanora izay milofo mafy mba hanararaotana ny fianarana raisiny.
2 Ny fototra tsara azon’ny olona iray eo amin’ny fianarana dia afaka manampy azy handroso ara-panahy. Izay ataon’ny olona iray mandritra ny fahatanorany dia misy fiantraikany lehibe eo amin’izay ho vitany rehefa olon-dehibe izy. Na dia momba ny fianarana any an-tsekoly aza, dia “izay afafin’ny olona no hojinjany”. (Gal. 6:7). Ny tanora izay mazoto mianatra ny lesony dia afaka mahazo fahaizana izay hahatonga azy ireo ho azon’i Jehovah ampiasaina bebe kokoa.
3 Ilaina ny fieritreretana mialoha amim-pitandremana raha tiantsika ny hisafidy tsara ireo taranja. Ny ray aman-dreny dia tokony hanampy ny zanany hifantina ireo izay manome ny fampiofanana azo ampiharina indrindra mba hanatratrarana tanjona ara-panahy eo amin’ny fiainana. Raha mampitombo ny fahaizany ny tanora, dia hanana tombony, satria ho afaka hamelon-tena eo amin’ny asan’ny mpisava lalana. Ny fianarana fototra azony dia tokony hanampy azy hidera an’i Jehovah, na aiza na aiza anompoany.
4 Ry tanora, miezaha manararaotra ireo taona laninareo any an-tsekoly. Eo am-panaovanareo izany, dia miezaha hanana fiainana mahafa-po eo amin’ny fanompoana masina, fa tsy hikatsaka asa sy fisondrotana eo amin’izao tontolo izao. Miezaha mafy hampiasa ny fiainanareo hanaovana ny sitrapon’i Jehovah. Amin’izany, dia hahalavorary ny lalanareo ianareo, ho fiderana an’i Jehovah. — Sal. 1:3.