Zotom-po Izay Mampirisika ny Maro

Nidera an’ireo Korintianina ny apostoly Paoly, noho ny zotom-pon’izy ireo ho an’ny asa tsara, izay “namporisika ny maro” tamin’ireo Kristianina namany. (2 Kor. 9:2). Matetika no afaka mahita vokatra mitovy amin’izany koa ny olona iray, ny fianakaviana iray, ny antokon’olona iray miara-mianatra boky na ny kongregasiona iray manontolo, amin’ny fandraisany anjara amin-jotom-po amin’ny asa fitoriana. Ireto misy fomba sasany izay mety hahafahanao hampiseho zotom-po amin’ny fanompoana.

◼ Atokàny ho Andro Fanelezana Gazety ny asabotsy tsy iasanao.

◼ Mandraisa anjara amin’ny fanompoana ny alahady.

◼ Ampiasao mba hanaovanao fanompoana bebe kokoa ny toetr’andro tsara sy tsy misy orana.

◼ Mandraisa anjara amin’ny fandaharana manokana rehetra ho amin’ny fitoriana.

◼ Ampiasao ny andro fety tsy iasana na tsy andehanana any an-tsekoly mba hanaovana fanompoana.

◼ Mandraisa anjara amin’ny fanompoana, mandritra ny fitsidihan’ny mpiandraikitra ny fizaran-tany.

◼ Manaova ny fanompoan’ny mpisava lalana mpanampy mandritra ny iray volana na mihoatra, ao anatin’ny taona.

◼ Amboary ny tarehin-javatra misy anao, raha azo atao, mba hanaovana ny fanompoan’ny mpisava lalana maharitra.

Jereo ny Diarin’ny Vavolombelon’i Jehovah 2000, pejy 17-19.