Fomba Fanolorana Gazety

Ny Tilikambo Fiambenana 1 Sept.

“Iza moa ny Devoly? Misy ve izany hoe devoly? Finoanoam-poana fotsiny ve ny finoana ny fisian’ny Devoly? Sa tokony hihevitra azy ho tena misy isika, na dia amin’izao taonjato faha-21 izao aza? [Jereo ny lahatsoratra faharoa, ary vakio ny fehezanteny voalohany eo ambanin’ilay lohatenikely hoe “Inona no hevitr’i Jesosy?”] Ity gazety ity dia hanampy antsika hiaro tena amin’ny fitaoman’ny Devoly, sy hiorina mafy amin’ny finoantsika.”

Mifohaza! 8 Sept.

“Zatovo maro no tsy afa-po amin’ny fiainana ary betsaka no ketraka. Inona no mahatonga azy ireo ho kivy toy izany? Ahoana no azo anampiana azy ireo hiady amin’ny zava-manahirana azy? Inona no azon’ny ray aman-dreny atao mba hanampiana azy ireo mandritra io fotoan-tsarotra eo amin’ny fiainany io? Manazava ny sasany amin’ny fanahian’ireny tanora ireny ity gazety ity, no sady manome ny vahaolana avy ao amin’ny Baiboly.”

Ny Tilikambo Fiambenana 15 Sept.

“Saiky ahitana olona tia ny fahamarinana avokoa ny fivavahana rehetra. Mampisara-bazana ny olombelona anefa ny fivavahana amin’ny ankapobeny. Inona no ilaina mba hampiraisana ny olona tso-po? [Andraso ny valiny, ary vakio ny Zefania 3:9.] Ity gazety ity dia mampiseho fa ny fahalalana an’ilay Andriamanitra marina no mampiray olona hatraiza hatraiza.”

[Loharanon-kevitra]

Tsy hita ao amin’ny anglisy

Tsy hita ao amin’ny anglisy