Valin’ny Fanontanianareo

◼ Nahoana no ilaina ny mitandrina, rehefa mitory an-taratasy?

Ny fanoratana taratasy dia fomba iray nahomby hatramin’ny ela, mba hizarana ny vaovao tsara. Manjary matahotahotra anefa izao ny olona, rehefa maharay taratasy tsy mahazatra, noho ny zava-nitranga naneran-tany tato ho ato. Mampiahiahy matetika ny valopy tsy fanta-piaviana na tsy misy adiresin’ny mpandefa, indrindra raha nosoratan-tanana ilay izy, na matevina. Mety harian’ilay tompon-trano avy hatrany ny taratasy toy izany, fa tsy hosokafany akory. Ahoana no hisorohantsika izany?

Raha azo atao, dia tokony hosoratana amin’ny milina fanoratana ny valopy sy ny taratasy. Tokony hisy ny anaran’ilay olona ny valopy, fa tsy hatao fotsiny hoe “Ho an’ny tompon-trano.” Soraty foana koa ny adiresin’ny mpandefa. Raha tsy tsara ny manome ny adiresinao manokana, dia soraty ny anaranao sy ny adiresin’ny Efitrano Fanjakana. Aza manoratra taratasy tsy misy anaran’ny mpanoratra na mpandefa na oviana na oviana. Aza ampiasaina mihitsy ny adiresin’ny biraon’ny sampana.—Jereo Ny Fanompoantsika Ilay Fanjakana Novambra 1996, Valin’ny Fanontanianareo.

Misy soso-kevitra fanampiny sy taratasy modely, ao amin’ny boky Mandraisa Soa avy Amin’ny Sekolin’ny Fanompoana, pejy 71-73. Hanampy antsika ireo toro lalana ireo mba hanoratana taratasy mandaitra, hitoriana ny vaovao tsara amin’ny olona.