Fomba Fanolorana Gazety

Ny Tilikambo Fiambenana 15 Apr.

“Mihabetsaka ny habibiana ankehitriny. [Milazà zava-nitranga teo an-toerana, na ohatra iray avy ao amin’ilay gazety atolotra.] Efa mba nanontany tena ve ianao hoe nahoana ny olona no mahavita habibiana toy izany? [Avelao izy hamaly.] Efa nilaza ny Baiboly fa hihamaro ny olona manao habibiana. [Vakio ny 2 Timoty 3:1-5.] Ho hitanao ato amin’ity gazety ity ny valin’ny fanontaniana hoe ‘Mbola ho foana ve ny habibiana?’ ”

Mifohaza! Apr.

“Maro ny olona mihambo ho Kristianina. Iza no atao hoe Kristianina, araka ny hevitrao? [Avelao izy hamaly.] Mariho izay nolazain’i Jesosy. [Vakio ny Jaona 15:14.] Hazavain’ity lahatsoratra ity fa tsy ampy ny milaza fotsiny hoe: ‘Kristianina aho.’ ” Asongadino ilay lahatsoratra manomboka eo amin’ny pejy 26.

Ny Tilikambo Fiambenana 1 Mey

“Malahelo be ny ray aman-dreny maty zanaka, ary tsy misinda vetivety izany. Iza no afaka mampionona azy ireo, araka ny hevitrao? [Avelao izy hamaly, ary vakio ny Romanina 15:5.] Resahin’ity gazety ity ny fomba sasany ampiononan’Andriamanitra an’ireo nidonam-pahoriana.”

Mifohaza! Mey

“Manankarena ny olona sasany, nefa an-tapitrisany no miaina ao anatin’ny fahantrana. Araka ny hevitrao, mbola ho foana ve izany tsy fitoviana izany indray andro any? [Avelao izy hamaly.] Mariho ny fiheveran’Andriamanitra ny mahantra. [Vakio ny Salamo 22:24.] Hazavain’ity gazety ity ny fanantenana omen’ny Baiboly ny mahantra.”