Hizara Fanasana Isika Manomboka Amin’ny 1 Martsa
1. Rahoviana isika no hanomboka hizara fanasana, ary nahoana no natao lava kokoa ny fotoana hizarantsika azy io?
1 Hanomboka hanasa olona hanatrika ny Fahatsiarovana isika ny Zoma 1 Martsa. Mbola amin’ny 26 Martsa ny Fahatsiarovana. Midika izany fa ho lava kokoa noho ny hatramin’izay ny fotoana hizarantsika fanasana. Ho maro kokoa amin’izay ny olona ho voasa. Be dia be mantsy ny faritanin’ny fiangonana sasany, ka misy tsy vita indraindray.
2. Inona avy no toromarika mila arahina momba ny faritany sy ilay fanasana?
2 Ahoana no Hizarana Azy? Ny anti-panahy no hanome toromarika hoe ahoana no hamitana ny faritany. Izy ireo koa no hanapa-kevitra raha azo anatsofohana fanasana na tsia eo am-baravaran’izay tsy tratra an-trano. Azo zaraina eny an-dalana na eny amin’ny toerana be olona ilay fanasana, raha vita daholo ny faritany nefa mbola misy ambiny ilay izy. Tokony hohamarinin’ny mpiandraikitra ny fanompoana raha ampy tsara ny fanasana avoakan’ny mpikarakara boky na gazety. Tsy tokony havoaka indray miaraka anefa izy rehetra, ary tokony ho efa misoratra eo amin’ilay izy ny ora sy toerana hanaovana ny Fahatsiarovana. Izay ilainy mandritra ny herinandro ihany no tokony halain’ny mpitory tsirairay.
3. Inona no tsara hotadidina rehefa mizara an’ilay fanasana?
3 Inona no Holazaina? Tsara raha tsy be resaka isika, amin’izay betsaka ny olona voasa. Efa aseho etsy ambany izay holazaina. Azontsika amboarina izy io arakaraka ny faritanintsika. Afaka miresaka elaela amin’ilay olona anefa isika raha hitantsika hoe tsara fanahy izy na manana fanontaniana. Mbola tokony hanolotra gazety ihany isika raha mety, rehefa mizara fanasana amin’ny faran’ny herinandro. Tsy hanasa olona hianatra Baiboly isika ny asabotsy 2 Martsa, fa hizara fanasana fotsiny.
4. Nahoana isika no tokony hazoto hizara fanasana?
4 Manantena isika fa ho maro no hanatrika ny Fahatsiarovana. Hohazavaina amin’io hoe iza marina i Jesosy ary inona no soa azontsika noho izy maty ho antsika. (Rom. 6:23; 1 Kor. 11:26) Hasongadina koa hoe nahoana isika no mila mahatsiaro azy. (Jaona 17:3) Mazotoa àry mizara fanasana!