“Intỳ Aho Iraho!”

Modely ho antsika i Isaia. Nanam-pinoana izy ka tonga dia vonona hamaly ny antso, na dia tsy fantany aza ny tsipiriany rehetra. (Is 6:8) Ary ianao? Misy fanovana azonao atao ve mba ho afaka hanompo any amin’ny toerana ilana mpitory maro kokoa ianao? (Sl 110:3) Marina aloha hoe ilaina ny “manao kajy ny amin’izay ho lany.” (Lk 14:27, 28) Vonona hanao sorona anefa isika mba hamitana ny asa fitoriana. (Mt 8:20; Mr 10:28-30) Ho be lavitra noho ny sorona ataontsika ny fitahiana ho azontsika, araka ny asehon’ilay video hoe Manompo any Amin’izay Mila Mpitory Maro Kokoa.

VALIO IRETO FANONTANIANA IRETO REHEFA AVY MIJERY AN’ILAY VIDEO:

• Inona ny sorona tsy maintsy nataon-dry William mianakavy mba hahafahany hanompo any Ekoatera?

• Inona avy no nodinihin’izy ireo talohan’ny nifidianany ny toerana hifindrany?

• Inona avy ny fitahiana azon’izy ireo?

• Aiza ianao no hahita fanazavana bebe kokoa, raha te hanompo any amin’ny toerana ilana mpitory maro kokoa?

DINIHO IRETO FANONTANIANA IRETO AMIN’NY FOTOAM-PIVAVAHAN’NY FIANAKAVIANAREO MANARAKA:

• Inona no azontsika mianakavy atao mba hanompoana bebe kokoa? (km 8/11 4-6)

• Raha tsy afaka mandeha manitatra faritany isika, inona avy no azontsika atao mba hanampiana ny fiangonantsika? (w16.03 23-25)