Katak ko Relukkuun Em̦m̦an Ippãd im Jekõn̦aan Katakin Ro Jet Kaki

Jesus ear ba bwe ro em̦ool bũrueer renaaj kile m̦ool eo ãlikin aer roñ katak ko. (Jon 10:​4, 27) Kõn men in, jabdewõt iien jej bwebwenato ippãn armej ro, jekõn̦aan kwal̦o̦k kõn katak ko repidodo jãn Baibõl̦. Kwõmaroñ jino kwal̦o̦k kõn juon katak ilo am̦ kajjitõk im ba: “Kwaar ke jel̦ã bwe . . . ?” ak “Kwõnañin ke roñ bwe . . . ?” Innem kõjerbali eoon ko ñan kõmel̦el̦eik men eo kwõj kajjioñ bõkm̦aantak. Ilo am̦ kwal̦o̦k juon katak ilo Baibõl̦, kwõj jeor ineen m̦ool eo ilo bũruon armej eo, im Anij emaroñ kõm̦m̦an bwe en eddekl̦o̦k!—1 Kor. 3:​6, 7.

• Ilju im Jekl̦aj

• Baam̦le

• Anij

• Jar

• Jesus

• Aelõñ eo an Anij

• Eñtaan

• Mej

• Kabuñ Ko

ILJU IM JEKL̦AJ

1. 1. Kõm̦m̦an ko an armej ro im men ko jej loi kiiõ rej kaalikkar bwe m̦õttan jidik enaaj wõr oktak ko.—Matu 24:​3, 7, 8; Luk 21:​10, 11; 2 Tim. 3:​1-5.

2. 2. Lal̦ in ejjãmin jako ak bõk ko̦kkure.—Sam 104:5; Ekl. 1:4.

3. 3. Mejatoto eo an lal̦ in enaaj jepl̦aak ñan wãween eo jinoin.—Ais. 35:​1, 2; Rev. 11:18.

4. 4. Enaaj kanooj in em̦m̦an ãjmour an armej otemjej.—Ais. 33:24; 35:​5, 6.

5. 5. Kwõmaroñ mour ñan indeeo ijin ioon lal̦.—Sam 37:29; Matu 5:5.

BAAM̦LE

1. 6. Juon em̦m̦aan rippãlele “ej aikuj yokwe lio pãleen ãinwõt an yokwe e make.”—Eps. 5:33; Kol. 3:19.

2. 7. Juon kõrã rippãlele ej aikuj lukkuun kwal̦o̦k kautiej ñan l̦eo pãleen.—Eps. 5:33; Kol. 3:18.

3. 8. Ruo rippãlele rej aikuj tiljek ñan doon.—Mal. 2:16; Matu 19:​4-6, 9; Hib. 13:4.

4. 9. Ajri ro rej kautiej im pokake jineer im jemãer renaaj jeraam̦m̦an.—JK. 1:​8, 9; Eps. 6:​1-3.

NASA, ESA and the Hubble Heritage Team (STScI/AURA)-ESA/Hubble Collaboration. Licensed under CC BY 4.0. Source.

ANIJ

1. 10. Ewõr etan Anij.—Sam 83:18; Jrm. 10:10.

2. 11. Anij ej kwal̦o̦k l̦õmn̦ak ko an ñan kõj.—2 Tim. 3:​16, 17; 2 Pit. 1:​20, 21.

3. 12. Anij ejim̦we an jerbal im ejjab kalijekl̦o̦k.—Dut. 10:17; Jrb. 10:​34, 35.

4. 13. Anij ekõn̦aan jipañ kõj.—Sam 46:1; 145:​18, 19.

JAR

1. 14. Anij ekõn̦aan bwe jen jar ñane.—Sam 62:8; 65:2; 1 Pit. 5:7.

2. 15. Baibõl̦ ej katakin kõj kilen jar.—Matu 6:​7-13; Luk 11:​1-4.

3. 16. Jej aikuj ekkeini ad jar.—Matu 7:​7, 8; 1 Tes. 5:17.

JESUS

1. 17. Jesus ear juon ri-kaki el̦ap an em̦m̦an im aolep iien naanin kakapilõk ko an rej jerbal.—Matu 6:​14, 15, 34; 7:12.

2. 18. Jesus ear kanaan kõn men ko jej loi ilo raan kein.—Matu 24:​3, 7, 8, 14; Luk 21:​10, 11.

3. 19. Jesus ej Nejin Anij.—Matu 16:16; Jon 3:16; 1 Jon 4:15.

4. 20. Jesus ejjab Anij Ekajoor Bõtata.—Jon 14:28; 1 Kor. 11:3.

Based on NASA/Visible Earth imagery

AELÕÑ EO AN ANIJ

1. 21. Aelõñ eo an Anij ej juon m̦oolin kien im ej pãd ilañ.—Dan. 2:44; 7:​13, 14; Matu 6:​9, 10; Rev. 11:15.

2. 22. Aelõñ eo an Anij enaaj bõk jikin kien ko an armej.—Sam 2:​7-9; Dan. 2:44.

3. 23. Aelõñ eo an Anij wõt emaroñ n̦amejal̦an aolep apañ ko armej rej iiooni.—Sam 37:​10, 11; 46:9; Ais. 65:​21-23.

EÑTAAN

1. 24. Anij ejjab kõm̦m̦an bwe jen eñtaan.—Dut. 32:4; Jem. 1:13.

2. 25. Setan ej iroojin lal̦ in.—Luk 4:​5, 6; 1 Jon 5:19.

3. 26. Anij ej lo am̦ eñtaan im ekõn̦aan jipañ kwe.—Sam 34:​17-19; Ais. 41:​10, 13.

4. 27. M̦õttan jidik Anij enaaj jol̦o̦k ad eñtaan.—Ais. 65:17; Rev. 21:​3, 4.

MEJ

1. 28. Ro remej ejjel̦o̦k aer jel̦ã kõn jabdewõt im rejjab eñtaan.—Ekl. 9:5; Jon 11:​11-14.

2. 29. Ro remej rejjab maroñ jipañ kõj ak ko̦kkure kõj.—Sam 146:​4, UBS; Ekl. 9:​6, 10, UBS.

3. 30. Ro rejitõnbõro ippãd me remej renaaj jerkakpeje.—Job 14:​13-15; Jon 5:​28, 29; Jrb. 24:15.

4. 31. “Enaaj ejjel̦o̦k bar mej.”—Rev. 21:​3, 4; Ais. 25:8.

KABUÑ KO

1. 32. Ejjab aolep kabuñ ko rej kabuñbũruon Anij.—Jrm. 7:​11, UBS; Matu 7:​13, 14, 21-23.

2. 33. Anij edike etao.—Ais. 29:​13, UBS; Mai. 3:11; Mark 7:​6-8.

3. 34. Yokwe eo em̦ool ej kõkal̦l̦en kabuñ eo em̦ool.—Mai. 4:3; Jon 13:​34, 35.