Wihka bîla kaikan lâka bris

Jisas dîa daukan ba

LILKA: Jisas wihka bîla kaikan lâka wal ai muihka ra hilp munisa

1. LILKA ba kaiks, apia kaka Jan 7:3-5 bara 1 Korint 15:3, 4, 7 aisi kaiki, naha makabi walanka nani laki kaiks:

1. ¿Jisas smalkaia tâ krikan taim ai muihka nani ba dîa sât daukanka bri kan?

2. ¿Yawan nahki nu sa Jisas ai muihka Jems ra swapraskira hilp muni kan ba?

¿Jisas dîa daukan ba wina yawan dîa lan takaia sip sa ki?

2. Upla kumi bani sât wala ba mita, kum kum ba tânka kasak ba ai kupia ra briaia dukiara taim nit kabia, baha mita yawan wihka bîla kaikan lâka ba ban brih kaia sa.

Jisas daukan baku dauks

3. Tnatka wala yus munaia trai muns. Tâ krikanka ra uplika ba Baibil stadika briaia want apia sa kaka, taibi munpara. Kuna sanska pain kum kaikma kaka, wan Baibil stadika nani nahki dauki ba, bara ai rayaka ra nahki hilp munbia ba marikaia dukiara, lilka apia kaka ulbanka kum yus muns.

4. Uplika ba upla wala wal praki kaikpara. Upla kumi bani ba sât wala sa. Wan pamalika uplika kum apia kaka kli wih kaiki uplika kum, Baibil stadika briaia apia kaka Baibil wina smalkanka kum alki daukaia dukiara namhpa namhpa lukisa kaka, wirâ naha makabi walanka nani ra luks: ¿Witin ra ai rilidianka smalkanka kum swiaia karna munisa ki? ¿Ai pamalika apia kaka ai lamara iwi uplika nani ba witin ra taibi munisa ki? Baibil smalkanka nani ai rayaka ra kulkbia bara witin ra dîa aisaram ba ra lukbia dukiara taim aitani yas.

5. Uplika dukiara Jehova ra puram suns. Uplika ba dukiara lukanka pain nani briaia, bara tânkira kaia dukiara, Jehova ra ai hilpka makas. Bara kli wih kaikisma uplika ba, Baibil dukiara walaia wilin apia sa kaikisma kaka, ban wih kaiki kama sapa wahbi sakaia dukiara, Jehova ra puram suni hilp mai munbia makas (1 Ko. 9:26).