“La Atalaya bara ¡Despertad! piu luan ra takan ba, apia kaka wauhkataya tara kum yus muni upla ra hilp muns”
Smalkisa bukka upla mihta ra swisa katka nani ra yawan pas yua uplika ra wih kaikisa taim Baibil stadika nani tâ krikaia lukanka wal daukisa. Wan kupia bukisa La Atalaya bara ¡Despertad! pat luan ba, apia kaka wauhkataya tara kum uplika ra swibia, uplika ba naha bukka pat brisa bara Baibil stadika kum briaia ai brinka apia kabia sin. ¿Dîa muni?
La Atalaya bara ¡Despertad! piu luan ra takan ba, apia kaka wauhkataya tara nani ba tânka manis dukiara aisisa. Bara upla nani ba dîa walaia brinka bri ba dukiara ulbanka lalka manis sakan sa. Baha mita, smalkaia taki wama taim baha sât wauhkataya nani ba brih was. La Atalaya bara ¡Despertad! wauhkataya nani piu luan ra takan ba, âpu sma kaka, kangrigisankam ra makabaia sip sma. Bara upla kum smalkisa bukka pat brisa sakuna Baibil stadika kum briaia ai brinka apia sa kaka, wauhkataya tara kum, apia kaka La Atalaya bara ¡Despertad! piu luan ra takan ba mariks, uplika ba ani aisi kaikaia want ba yas bribia. Bara, kli wih kaikaia want sma ba wis. Kli kli uplika ra wih kaikisma kaka, ban kra yu kum Baibil stadika kum briaia want kabia.