‘Upla sâtka bani ra’ smalkaia
1. ¿Nahki muni smalki tataukra pain ba kiamda lankira kum wal prakisa?
1 Kiamda lankira kum ba dîa wal paskaia dukia nani ba sut brisa, baku sin ahkia bara nahki yus munaia ba pain nu sa. Sim natka ra smalkaia warkka pain daukaia dukiara yawan smalkaia ulbi sakanka manis brisa. Sampla baku, ‘upla sâtka bani ra’ smalkaia dukiara, wauhkataya tara nani ba ulbanka lalka sât sât brisa (1 Ko. 9:22). Ulbanka tâka naha bilara ba wauhkataya tara kum kum takisa, bara ya nani dukiara ulban sa bara nahki upla mihta ra swiaia ba tânka marikisa.
2. ¿Wauhkataya tara nani ba ahkia yus munaia sip sa?
2 Ahkia yus munaia. Kiamda lankira kum ba nu kabia ahkia ai warkka paskaia dukia nani ba yus munaia sip sa. Sim natka ra wauhkataya tara nani ba upla mihta ra swisa witin nani ra hilp munaia sip sa kaka, ani katka ra yabi ba ra baman lika apia. Sampla kum, Smalkisa bukka baha katka ra yabisa bara yawan kuntri kum kristian apia uplika ra smalkisa bara upla nani ba Baibil tânka uba lan takaia want apia sa kaka, pain kabia wauhkataya tara kum baha sât uplika nani dukiara paskan ba yabaia. Upla ba kau walan daukisa kaka, Smalkisa bukka ba yus munaia sip sa.
3. ¿Dîa muni wan ulbi sakanka nani ba pain yus munaia sa?
3 Gâd mita ya ya ai warkka pain dauki ba ra yamni kaikisa (Sins.L 22:29). Param sa, diara tara wala âpu sa “Gâd sturka yamni” smalkaia warkka ba wal (Ro. 15:16). Baha mita, “wark tatakra kum ai warkka ba tâwan ai swira lukras baku” kaia dukiara, yawan trai munbia ulbi sakanka nani ba tânkira yus munaia (2 Ti. 2:15).