Kau smalkaia dukiara ridi bas
1. ¿Jisas Pruan Kupia Kraukanka piua ra dîa ba kau tara sa, bara nahki muni ridi takaia sa?
1 Jisas Pruan Kupia Kraukanka piua ra yawan sanska brisa ‘Jehova ra uba tingki wiaia’ (Law. 109:30). ¿Kakamuk kati ra smalkaia warkka ra kau daukma Jehova ra tingkikam lâka marikaia atki wan sakan ba dukiara? Naiwa wina ridi takaia sma (Sins.L 21:5).
2. ¿Yawan sut nahki wan dara walan mani luan ra tâ baiki smasmalkra warkka daukaia awarka nani alahban taim?
2 Tâ baiki smasmalkra kaia. Mani luan ra kangrigisan nani ba lilia takan, Lih Wainhka kati ra tâ baiki smasmalkra awarka nani alahban ba mita. Kristian waitna kum win: “Yang kau skul dimisna, baha mita tâ baiki smasmalkra warkka sip daukras ai munisa. Sakuna nanara 30 awar daukaia sip sna, baku sin sip sna kaka 50 awar Lih Wainhka kati ra daukamna.” Kristian mairin kum win: “¡Yang 30 awar isi daukaia sip sna!” Bara naha dukiara maisa pakan taim tâura smasmalkra mairin kum 80 mani bri kan ba, win: “¡Naha sika yang bîla kaiki kapri! Jehova nu kan tâura smasmalkra warkka ba dauki kapri taim kau lilia kan!” Kristian wala nani tâ baiki smasmalkra kaia sip apia, sakuna trai munisa smalkaia warkka ra kau daukaia.
3. ¿Dîa muni tâ baiki smasmalkra warkka daukaia sa Kakamuk kati, Lih Wainhka kati bara Lih Mairin kati ra?
3 Kakamuk kati ba pain kabia tâ baiki smasmalkra warkka ba daukaia, kan smalki tataukra nani ba 30 awar, apia kaka 50 awar nani daukaia sip kabia. Baku sin, Kakamuk kati 17 wina Jisas Pruan Kupia Kraukanka paiwanka ba upla ra yabia bara aikuki Lih Wainhka kati 5 ra kabia. Kristian ailal ba uba lilia ai dara walbia kan smalkaia warkka ra kau daukbia, baku sin tâ baiki smasmalkra baku Lih Wainhka kati, Lih Mairin kati ra sin takbia, baha katka nani ra 50 awar daukaia sip kabia.
4. ¿Yawan nahki natka ra smalkaia warkka ra kau daukaia sip sa, bara dîa yamnika sâkbia?
4 Pamali Mayunra Tihmika ra, ¿dîa muni pamalikam aikuki laki kaikras nahki natka ra kumi bani Jisas Pruan Kupia Kraukanka piua ra kau smalkaia sip sa? (Sins.L 15:22). Jehova ra makas man dîa daukisma ba blisin munbia (1 Jan. 3:22). Man smalkaia warkka ra kau daukisma ba ra, Jehova ra baman lilia daukras kama, man sin lilia takma (2 Ko. 9:6).