Smalkaia warkka ra jw.org yus muns

Internet ra wan pliska pali bri ba diara pain kum sa sturi yamni nani ba smalkaia dukiara “wan tasba wala ra kau laihura ba kat sin” (Ap.St 1:8). Ban sakuna, upla aihkika ba jw.org ba dukiara nu âpu sa, smalki tataukra kum marikisa kaka baman nu takisa.

Impaki pura kakaira kum ai Celular ra ¿Dîa muni Baibil stadi takaia sa? lilkika ba alahban bara ani taim sanska taki ba marikisa. Sampla baku, utla utla ra smalkisa taim, wisa: “Upla nani ra hilp munisa makabi walanka yumhpa ba ansika briaia: ¿Dîa muni diara nani ba uba saura sa? ¿Gâd nahki wapnika mangkbia ki? Bara ¿yawan dîa daukaia sip sa bîla kaiki ba ra? Naha lilkika sirpi ra baha ansika nani brisa”. Lilkika ba marikisa, baha wina bîla kaikisa dîa wibia sapa. Lilkika ba uba painkira sa mita upla aihkika ba kaikisa taim, swiaia want apia sa danh takbia ba kat. Baha wina kristian waitna ba wisa, “bisiura walram baku, man sip sma Baibil stadika kum makabaia Internet jw.org pliska ra. Sakuna daukaia nit apia sma kan yang pat nâra sna, mai marikaia sip sna nahki daukisa”. Uplika ba pain kaikbia kaka, kristian waitna ba ¡Gâd sturka yamni nani ba! wauhkataya yus muni Baibil stadika kum nahki dauki ba marikisa. Bara uplika ba taim âpu sa kaka, yu wala kli wih kaikbia taim daukisa. Diara piaia atki pliska kum ra sa taim, ai lamara bri uplika ra ai pânika lâka marikisa bara sim bîla nani wisa. ¿Bara yawan? ¿Jw.org ba pain yus munisa?