Asla wark takisa tasba aiska ra smalkaia dukiara

Jehova Israel uplika nani ra asla daukan, sim baku nawas ai uplika nani ra asla daukisa ai kupia lâka daukaia dukiara. Tasba aiska ra sucursal nani, kangrigisan nani daknika nani, kangrigisan nani bara smalki taki waia daknika nani ba asla wark takisa upla sut ra sturi yamni smalkaia dukiara, bîla aisanka wala aisi uplika nani ra sin (Par.M 14:6, 7).

¿Man pat lukram ki tânka kasak upla wala ra smalkaia dukiara bîla aisanka wala lan takaia? Lan takaia taimka âpu sma kaka, ban kra JW Language aplicaciónka hilpka ba wal tâ krikanka bîla isi kum lan takaia sip sma. Dîa lan takram ba smalkaia warkka ra yus munma taim uba lilia damra walma, pas kristian nani tringsar nani ra ai bîla aisanka ba kat “Gâd mita diara aihka tara daukan nani ba” smalkan taim baku (Ap.St 2:7-11).

JEHOVA PÂNIKA TAKS: BÎLA AISANKA WALA RA SMALKS LILKIKA BA KAIKBIA NINGKARA, NAHA MAKABI WALANKA NANI LAKI KAIKS:

• 

  ¿Ahkia sip sa JW Language aplicaciónka yus munaia?

• 

  ¿Naha aplicaciónka ba dîa sât sa?

• 

  ¿Wan kangrigisanka smalki pliska ra upla nani ba dîa bîla aisanka nani aisisa?

• ¿Upla kum bîla aisanka wala aisi ba Kingka Lâka sturka kau nu takan daukisa kaka, yawan dîa daukaia sa? (od-S 100 baiki s. 39-41).