KRISTIAN RAYAKA KAT IWAIA

¿Lalah trabilka tara kum mapara buaia dukiara ridi sma ki?

¿Tasba aiska ra lalah trabilka kaikaia ba yawan mapara dîa muni aihka apia sa? Kan yawan tnata yua nani las pîska ra iwisa bara Baibil naku wan maisa pakisa: “Yuyaka nani kat kaiki ai kainara diara briaia sin luki banhbiara” (1Ti 6:17; 2Ti 3:1). Lalah trabilka tara kum mapara buaia ridi kaia dukiara, ¿Josafat sturka ba nahki hilp wan munisa?

Waihla nani Josafat bara nisan mapara aiklabaia wan taim, witin Jehova ra kasak lukan (2Kr 20:9-12). Baku sin, nisan kaina kahbaia dukiara diara kum kum daukan: kutbanka nani kau karna kabia dukiara paskan, bara aiklabaia daknika nani sin asla daukan (2Kr 17:1, 2, 12, 13). Yawan nani sin Jehova ra kasak lukaia nit sa bara piua karna nani balras kainara ridi takaia dukiara diara kum kum daukaia ba yamni sa.

¿LALAH TRABILKA TARA KUM MAPARA BUAIA DUKIARA NAHKI RIDI TAKAIA SIP SA?

Spirit lainka ra ridi taks. Yu bani Jehova dîa nit sma ba maikaia sip ba kasak lukaia bara dîa brisma ba wal lilia kaia lan taks (Mt 6:26; 1Ti 6:8). Nitkam plikisma piua ra Baibil dîa smalki ba pura luaia sip sa lukisma kaka, kupiam ra wahbi sâks Jehova dîa wi ba pas tâura mangkaia (Ro 2:21). Lait apia kaka internet âpu kabia kra sin, spirit pata ban bri kama dukiara tnatka nani ra luki ridi taks. Tânka kum baku, print munan wauhkataya kum kum nani suni bris, apia kaka teleponkam ra kum kum nani alahbi briaia sip sma.

Lalah lainka ra ridi taks. Lalah trabilka nani briras kainara, tras nani ra uya dimaia apia trai muns, bara dîa nit apia sma dukia nani ra lalahkam tikpara (S.L 22:7). Sip sma kaka, plun bara wînam tara main kaikaia dukiara, dîa nit sma ba wamtla ra plis kum ra apahki bris. Upla manis mapara, ai watla latka ra dus mâ nani mangki briaia ba lalah tikaia apia dukiara hilp munisa.

¿TRABIL SÂTKA MANIS DUKIARA MAN PAT RIDI SMA KI? LILKIKA BA KAIKBIA NINGKARA, NAHA MAKABI WALANKA NANI LAKI KAIKS:

Video lilkika “¿Trabil sâtka manis dukiara man pat ridi sma ki?”. Baibil kum lilkika, diara nit nani wal ridi daukan mochila bara telepon kum lilkika, bara diara mâkaia warkka ra wark taki waitnika nani lilkika kum.

¿Trabil kum dukiara man nahki ridi kaia sip sma?

Man dia lukisma ba

Video lilkika “¿Trabil sâtka manis dukiara man pat ridi sma ki?”. Hilp yabaia warkka ra tâ baiki muihni lakri nani lilkika nani kum. Kum kum nani ba diara mâkaia warkka ra tâ baiki sa bara wala nani truk tara kum wina diara nani alahbisa.

¿Wala nani ra hilp munaia dukiara nahki ridi kaia sip sma?

Man dia lukisma ba