¿Uplika wal aisanki tnata prakaia sna ki?

Upla kum diara nu takaia want ba mita, ai kupia wina makabi walanka kum daukisa piuara, apia kaka yawan dîa aisi ba dukiara lukanka wala brisa, bara yawan tânka marikbia want sa kaka, wan aisanka ba tnata prakaia apia sa. Yawan “raya ban kaia lâka briaia” want uplika nani wal, aisaia want sa (Ap.St. 13:48).

Kuna, aisisma uplika ba praut lâka wal unsabaia want sa, apia kaka man wal aisaia want apia sa kaikisma kaka, ¿dîa daukaia sip sma ki? Baku mai takbia kaka kupiam swapni bri tânkira aisankam tnata prakaia sip sma (S.L. 17:14). Latwan lâka wal uplika ra mahka wama maisa paki, aisabe wis. Yawan nu âpu sa, ban kra naikara, uplika ba yawan wal aisaia kau wilin kabia (1 Pi. 2:12).