Upla ra marikram sa nahki Baibil stadika kum yabisa pas yua wih kaikuma taim?

Upla kum kum ba, Baibil stadika kum want sa sapa makabi waluya taim want apia wisa apia kaka pat ai sertska watla ra stadi takisa. Baibil kulka kum briaia ba tanka wiria man brisa bamna, witin nani ai dara walras sa nahki lilia bara pranakira ba. Baha mita stadika kum want sma wiaia baman watlika ra, dia muni pas yua wih kaikuma taim, nahki Baibil stadika kum yabi ba marikras sma ki? Tanka marikaia dukyara: Upla kum ra wisma yang plun ba pain piakisna bara uplika ra pata ba plit kum ra brisal yabaia au takisma; sakuna rait apia baha sim minitka ra pata ba wira pih kaikbia yama kaka, kau pain kabia ki? Gâd Warkka Dauki wauhkataya enero 2006 wahya 6 ba ra tanka marikisa nahki minit kum kum ra Baibil stadika kum ta krikaia:

“Man lukisma naha bila nani yu kum rait takbia ki? [Aiseya 33:24, aisi kaiks bara ansika maikbia swis.] Tanka aisi kan dahra diara kum kaikma want sna.” Baibil smalkisa bukka, yas bara wahya 36 baiki sakanka 22 ba mariks. Wahya mina wina makabi walanka ba aisi kaiks bara uplika ra wis man baiki sakanka aisi auma ba ra witin ansika ba pliki sakbia. Baha wina, kli makabi walanka ba aisi kaiki ansika maiki ba wals. Tiks wala nani ba sin aikuki aisi kaiks. Kli wih kaikaia dukyara makabi walanka kum swis, bara ani yua, awarka kli wih kaikaia waisma ba uplika wal bapi swis. Baibil stadika kum pat ta krikram sa!