Wahya nina ba yus munram ki?

Upla nani ba wauhtaya kum ai mihta ra brisuya taim, pas wahya kaiki baha wina, wauhwi lakisa. Pat kaikram sa ki? Aihwakisa wauhkataya, upla sut dukyara ulbi saki ba, nina tanira, makabi walanka bara dahra aisanka tihu nani takisa, baku sin, ani wahya ra tanka taki ba marikisa.

Upla wal aisi ta krikaia dukyara, baha ra makabi walanka bara lilkika nani taki ba, yus munaia sip sa. Baha mita, smalkaia pliska ba kli kli smalkisa kaka, kati bilara, wan aisanka tnatka sat sat daukaia sip sa bara makabi walanka raya nani sin yus munaia. Ban sakuna, uplika ba taim apu sa kaka, aisanka tnatka ba kau kunhku daukaia sa, bara makabi walanka wauhkataya nina tanira taki ba, tila wina kum yus muni, wiaia sip sma: “Ansika ba nu takan mai daukisa kaka, naha wauhkataya nani mihtam ra swiaia sip sna, bara yu wala taim bri kama ba ra kau aisabia”. Aisi ta krikaia dukyara, smalki tataukra kum kum ba, pas ba, wauhkataya nina tani ba yus munisa, bara uplika ra wisa, selp makabi walanka kum wahbi sakbia. Baha wina, ansika anira pliki sakaia marikisa, bara tiks kum ridi bri kan ba aisi kaikisa. Upla nani ba, Aihwakisa wauhkataya kau yamni kaikbia dukyara, dia tnatka wala brisma ki?