¿Dîa awarka kat smalkaia sma?

Muihni lakri kum kum ba smalki taukisa taim dinar piua kat smalkisa. Ban kra, sam taim yawan nit kabia awar kum kat smalkaia. ¿Smalki tataukra wala nani awar kum ra smalki takaskan taim man sin takaskisma? ¿Apia kaka man iwisma pliska ra muihni lakri ba pat awar mangkan sa smalki takaskaia dukiara? ¿Sip sma kau minit kum kum smalkaia? Sampla baku, upla nani yabal ra wapi ba ra smalkaia. ¿Apia kaka sip sma ki wamtla ra auma yabalka ra upla kum ra wih kaikaia? ¡Luki kaiks nahki painkira kabia upla kum kau lan takaia want ba ra pliki sâkma, apia kaka wauhkataya kau kum kum upla mihta ra swima! Yawan smalki tauki kabia taim takaskaia watlika ra kau minit kum kum smalkbia kaka, sanska wankbia kau “sakripais” nani daukaia (Hib. 13:15).