Pas satadika ra Baibil stadika nani tâ krikaia ba kau daukaia sa
Lih Mairin kati 2011 manka wina smalki tataukra nani ra kupia bukan kati bani pas satadika ra Baibil stadika nani tâ krikaia. Naha daukaia hilp wan munbia dukiara, La Atalaya wauhkataya upla sut dukiara paski ba pîska kum takisa nina: “Preguntas sobre la Biblia”. Baha mita, kati bani pas satadika smalki taki waia aidrubanka ra marikaia sa nahki naha ulbanka lalka nani yus munaia Baibil stadika nani tâ krikaia dukiara. Baku sin, marikanka kum ridi daukaia sa.
Kangrigisan almukka nani ba laki kaikbia baha pas satadika ba smalkaia dakni bani ba silp ai pliska wina takbia, apia kaka kangrigisan daknika nani ba sut sim pliska wina takbia. Ban kra Aidrubanka Watla kum wina takaia sip sa. Sakuna, pas satadika ba kangrigisan wala nani Aidrubanka Watla yus munisa kaka, baha yua ba chens munaia apia sa dakni nani ba wal asla takaia dukiara.