Paiwanka painkira kum
1. ¿Mani 2014 ra ahkia piua ra Aidrubanka Kau Tara bara Nisan Ailal Aidrubanka Tara ba ra paiwaia warkka ba tâ krikbia?
1 Wan pânika apia kaka wan pamalika nani dukiara plun pain kum piakisa, bara kasak wark takan bara lalah sin kasak tikan ba mita, baha uplika nani ra liliakira paiwbia. Sim natka ra, naha Aidrubanka Kau Tara bara Nisan Ailal Aidrubanka Tara 2014 ra kabia ba wark karna takan sa spirit lâka ra naha pata pranakira bribia dukiara. Wik yumhpa aidrubanka tâ krikras kainara, sanska bribia upla wala nani ra paiwaia naha aidrubanka ra balbia dukiara. ¿Dîa ba hilp wan munbia liliakira naha warkka tâ baikaia?
2. ¿Dîa ba wan kupia bukbia naha warkka takaskraskira daukaia?
2 Naha spirit pata ba wina yawan nahki yamnika ailal bri ba dukiara lukbia kaka, wan kupia bukbia upla nani ra paiwaia warkka ba tâ baikaia (Ais. 65:13, 14). Baku sin, wan âuya tikaia apia sa upla nani ra paiwaia warkka ba mani bani ra diara pain nani brisa. Upla kum kum ra yawan paiwbia ba aikuki aidrubanka ra kabia. Upla an balbia sin, paiwaia warkka tâ baikaia dukiara dîa sakripaiska daukan ba, Jehova ra mayunanka yabia bara Ai kupia pihnika lâka wan mariki ba param kabia (Law. 145:3, 7; Par.M 22:17).
3. ¿Paiwanka nani ba nahki upla ra yabia?
3 Paiwanka aihkika upla mihta ra nahki swiaia ba, kangrigisan almukka daknika bani ba laki kaikbia. Baku sin laki kaikbia utla nani upla âpu ba ra swibia apia kaka, yabal ra upla nani ra wapi ba ra yabia sapa. Wik tnata ra La Atalaya bara ¡Despertad! ba paiwanka wal swiaia sanska takbia kaka daukbia. Baha kati pas satadika ba paiwanka yabia piua bîlara sa kaka, Baibil stadika nani tâ krikaia watlika ra paiwaia warkka ba daukbia. Paiwaia warkka ba tnata aimakbia taim, lilia wan dara walbia naha warkka wan kupia aiska ni daukan ba tâwan, baku sin upla ailal ra paiwaia dukiara dîa sip kan ba daukan naha spirit pata Jehova wankan ba bribia dukiara.