Nahki smalkaia ulbi sakanka nani mangki bri ba dukia nani wal

Truk lupia apia kaka tibil nani mangki smalkaia natka bâk upla manis tânka kasak ba lan takisa (Jn. 6:44). Baha mita, kangrigisan almukka nani ra kupia bukan sa, smalkisa pliska ra naha natka yus munaia upla ailal lui ba ra. Truk lupia apia kaka tibil nani ba plis wala wala ra brih waia sip ba mita nit apia sa adar kum sakaia. ¿Ya nani sip sa naha warkka daukaia? Smalki tataukra kum tânkira lâka mariki ba, kwalka dimra pain bri ba, bara upla wal sturi aisaia lan kaia sa. Naha kupia kraukanka nani ba hilp wan munbia dîa daukaia sip sa bara dîa lika apia. Yawan daukbia kaka hilp wan munbia naha smalkaia natka ba kau pain daukaia.

Daukaia sip ba:

Upla nani lui ba ra yamni muns bara ridi bas aisaia. Pânikam lâka mariks bara lakula sin wis. Upla kum dîa bâra ba kaiki takaskbia kaka naku wis: “Want sma kaka kum brih waia sip sma.”
Tibilka apia kaka trukka wina uba laihura apia bas. Plis kum kum ra pain sa lamara kaia, sakuna ban kra piu bani ra naku daukaia ba pain takbia apia. Baku takbia kaka, kau pain sa trukka apia kaka tibilka wina wira laihura bui kaia upla kum lamara balbia ba kat. Baha piua ra trai muns uplika wal aisaia, sampla baku makabi wals: “¿Naha makabi walanka ba pat daukram ki?”
Sanska takbia wal baku Baibil ba yus muns.
Ani uplika ulbi sakanka kum Baibil stadi takaia dukiara yus muni ba bribia kaka, sampla baku Smalkisa bukka, tânka mariks nahki Baibil stadika kum briaia sip sa. Lilkika ¿Dîa muni Baibil stadi takaia sa? celular apia kaka tableta kum ra brisma ba mariks.
Upla kum kau nu takan daukisa kaka, dairiksanka ba makas.