LISIN 7

Diara kasak ba smalkaia

Luk 1:3

BÎLA PRAHNI RA: Diara kum rait ba yus muns mai wali nani ba diara kasak ba tânka bribia dukiara.

Ani wina tânka kum sakisma ba kasak kaia sa. Dîa tânka marikisma ba Baibil wina kaia sa bara sip sma ba kat baha pali wina aisi kaiks. Diara kum upla sinskira nani aisan ba, upla rayaka sturka kum, apia kaka diara raya kum nu takram ba yus munma taim, tânka pliks dîa aisisma ba rait sa bara sturi raya kum sa.
Ani wina tânka kum sakram ba pain yus muns. Baibil tikska kum tânka marikisma taim, bors wala nani laki kaiks, Baibil smalkanka plamaika ba, bara “alba kasak sinskira” ulbi sakanka nani ba sin (Mt. 24:45). Baibil wina apia sturka kum sâkma kaka, dîa ulban ba kat yus muns bara dîa dukiara aisi ba chens munpara.

Diara takan sturka kum ba pura praki aisapara bara dîa numbika nani kulki ba sin. Bîla nani ulban ba chens munpara naha baku: “upla kum kum” watlikara “upla aihkika ba” wipara, “sam taim” wisa kaka baha watlikara “piua bani” wipara, bara “ban kra talia” ulban sa kaka “rait sa” wipara.
Mai wali nani ra hilp muns silp luki kaikbia. Baibil tikska kum apia kaka ulbanka wala wina aisi kaikma ningkara, tânkira lâka wal makabi walanka nani dauks, apia kaka praki kaikanka kum mangks, baha wal mai wali nani ba silp diara kasak ba ai tânka bribia.