LISIN 11

Liliakira aisaia

Roman 12:11

BÎLA PRAHNI RA: Mai wali nani ra kupia bukaia dukiara kupiam wina aisas.

Kupiam ridi dauks. Ridi takma taim, dîa smalkma ba dukiara luki bas. Ulbanka tânka ba pain stadi muns, dîa aisama ba kasak lukisma ba marikaia dukiara.
Mai walbia uplika nani ra lukaia sma. Dîa aisama bara dîa aisi kaikma ba nahki mai wali nani ra yamni munbia ba dukiara silp luki kaikaia sma. Nahki smalkanka marikma ba dukiara luks, mai wali nani ba kau pain ai tânka bribia bara kulkanka yabia dukiara.
Aisisma ba kupiam wina takaia sa. Kupiam param wal aisas. Nahki damra walisma ba mamwan wal mariks, bara mihtam nahki daukisma ba pain bara klir kaia sa.

Mamwan bara mihtam wal daukisma tnatka ba, piu bani sim sât kaia apia sa, kan mai wali nani ba ai sinska ba diara wala ra mangkbia. Mamwan bara mihtam wal daukisma tnatka ba, dîa aisisma ba wal sim tânka ra kaia sa. Dîa tânka tara bri ba aisama taim apia kaka mai wali nani ra diara daukbia kupia bukma piua ra, kau liliakira aisas. Piu bani uba liliakira aisapara, kan mai wali nani ba tayat takbia.