LISIN 13

Smalkanka yamnika nani ba klir marikaia

Aiseya 48:17

BÎLA PRAHNI RA: Mai wali uplika nani ra hilp muns kaikbia nahki smalkanka ba silp ai rayaka ra yamni munisa, bara mariks nahki alki daukaia sip sa.

NAHKI DAUKAIA

Mai wali uplika nani dukiara luks. Upla nani dîa muni smalkanka walaia nit ba dukiara silp luki kaikaia sma, bara nahki ai rayaka ra alki daukaia sip sa.
Aisankam aiska ra klir mariks, mai wali nani ba dîa alki daukaia sa. Aisi tâ krikisma ba wina, wali uplika nani ba naku lukaia sa: “¡Baha walisna ba yang ra hilp ai munisa!”. Diara tânka tara kum marikisma taim, aisas dîa pali bara nahki praptis munaia sip sa.

Upla trabilka ra luki bara kupia yamni lâka wal mariks nahki Baibil smalkanka nani ba alki daukaia sip sa. Mai wali nani ra Jehova kupia lâka pain daukras sa wiaia watlikara, Gâd ra ai kasakka lukan lâka bri ba karna dauks bara witin ra latwan kaiki ba sin. Ban lukaia sma witin nani ba silp ai kupia wina diara wapni ba dauki kabia.