Осија*

1 Јеховината реч+ што му дојде на Осија,+ синот на Веири, во деновите+ на Озија,+ Јотам,+ Ахаз+ и Езекија,+ цареви на Јуда, и во деновите на Јеровоам,+ синот на Јоас,+ царот на Израел. 2 Јеховината реч почна да доаѓа преку Осија. Јехова му рече на Осија: „Оди,+ ожени се со жена која ќе направи блуд и ќе роди деца од блуд, зашто поради блуд земјата ќе се одврати од Јехова“.+

3 И тој отиде и ја зеде Гомер, ќерката на Дивлаим, која забремени и му роди син.+

4 Тогаш Јехова му рече: „Стави му име Језраел,+ зашто уште малку и ќе побарам сметка од домот на Јуј за крвопролевањето во Језраел*+ и ќе му ставам крај на царувањето на домот на Израел.+ 5 Во тој ден ќе го скршам лакот+ на Израел во језраелската долина“.

6 И таа пак забремени и роди ќерка. А Бог му рече: „Стави ѝ име Ло-Рухама,*+ зашто нема повеќе да бидам милостив+ кон домот на Израел, туку ќе го протерам.+ 7 Но ќе бидам милостив кон домот на Јуда+ и ќе ги спасам јас, Јехова, нивниот Бог.+ Нема да ги спасам ниту со лак, ниту со меч, ниту со војна, ниту со коњи, ниту со коњаници“.+

8 А кога ја одби од градите Ло-Рухама, забремени и роди син. 9 И Бог рече: „Стави му име Ло-Амиј,* зашто вие не сте мој народ и јас нема да бидам ваш Бог.

10 Синовите Израелови ќе бидат бројни како песокта морска што не може ниту да се измери ниту да се изброи.+ И на местото каде што некогаш им се велеше: ‚Вие не сте мој народ‘,+ ќе бидат наречени ‚Синови на живиот Бог‘.+ 11 Ќе се соберат синовите на Јуда и синовите на Израел и ќе се обединат,+ па ќе си постават еден поглавар и ќе заминат од земјата,+ зашто голем ќе биде језраелскиот ден.+

2 Викајте ги браќата свои: ‚Мој народ!‘+ и сестрите свои: ‚Ти си онаа на која ѝ е покажана милост!‘+ 2 Водете парница против својата мајка,+ водете парница, зашто таа не ми е жена+ и јас не сум ѝ маж.+ Нека го отфрли блудот свој од себе и прељубодејствата што ѝ се меѓу градите+ 3 за да не ја соблечам гола+ и да не направам да биде како во денот кога се родила,+ за да не направам од неа пустина+ и безводна земја+ и за да не ја усмртам со жед.+ 4 Спрема нејзините синови нема да бидам милостив,+ зашто се синови од блуд.+ 5 Нивната мајка врши блуд.+ Онаа што ги носеше во утробата прави срамотни+ дела, зашто вели: ‚Одам по своите љубовници,+ кои ми ги даваат мојот леб и мојата вода, мојата волна, мојот лен, моето масло и мојот пијалак‘.+

6 Затоа ќе ѝ го заградам патот со плот од трње. Ќе подигнам каменен ѕид околу неа,+ па нема да си ги пронајде своите патишта.+ 7 И ќе трча по своите љубовници, но нема да ги стигне.+ Ќе ги бара, но нема да ги најде. И ќе рече: ‚Ќе одам и ќе му се вратам на првиот маж,+ зашто тогаш ми беше подобро отколку сега‘.+ 8 Но не сакаше да признае+ дека јас ѝ давав жито+ и вино* и масло, и дека јас ѝ го умножував среброто и златото, кое го користеа за Ваал.+

9 Затоа и јас ќе постапам поинаку и ќе си го земам житото кога ќе му дојде времето, и виното — кога ќе дојде часот за тоа,+ и ќе ѝ ја одземам мојата волна и мојот лен со кои си ја покриваше голотијата.+ 10 И пред очите на нејзините љубовници ќе ја откријам нејзината голотија+ и никој не ќе може да ја истргне од мојава рака.+ 11 Ќе ѝ ставам крај на сета нејзина радост,+ на нејзиниот празник,+ на нејзините млади месечини,+ на нејзиниот ден за одмор* и на сите нејзини свечености. 12 Ќе ја опустошам нејзината лоза+ и смоква+ за кои велеше: ‚Тоа се подароци што ги добив од моите љубовници‘. Ќе ги претворам во шума,+ и полските животни ќе ги изедат. 13 Ќе ја повикам на одговорност+ за деновите кога на ликовите на Ваал+ им гореше приноси,+ кога се украсуваше со обетки и со друг накит+ и одеше по своите љубовници,+ а мене ме заборави,+ вели Јехова.

14 Затоа ќе ја придобијам, ќе ја одведам во пустината+ и љубезно ќе зборувам со неа.+ 15 И ќе ѝ ги дадам нејзините лозја за да бидат повторно нејзини,+ и долината Ахор*+ како врата на надежта. А таа ќе ми се оѕвие таму како во деновите на својата младост+ и како во оној ден кога излезе од египетската+ земја. 16 Во тој ден, вели Јехова, ќе ме викаш: ‚Мажу мој!‘ и нема повеќе да ме викаш: ‚Господару мој!‘+

17 Ќе ги отстранам имињата на ликовите на Ваал од нејзината уста+ и нема повеќе да се спомнуваат по име.+ 18 Заради својот народ, во тој ден ќе склучам сојуз со полските животни,+ со небесните птици и со суштествата што лазат по земјата, и ќе ги скршам лакот и мечот и ќе ја отстранам војната од земјата+ и ќе им дадам да почиваат без страв.+ 19 Со свршувачка ќе те врзам за себе за навек,+ со свршувачка ќе те врзам за себе во праведност, во правда, во милост* и во милосрдност.+ 20 Со свршувачка ќе те врзам за себе во верност, и ќе ме познаваш мене, Јехова.+

21 И во тој ден ќе одговорам, вели Јехова, ќе им одговорам на небесата, а тие ќе ѝ одговорат на земјата,+ 22 земјата ќе им одговори на житото+ и на виното и на маслото, а тие ќе му одговорат на Језраел.*+ 23 И ќе ја посеам за себе како семе по земјата+ и ќе бидам милостив кон онаа на која не ѝ беше покажана милост*+ и ќе им речам на оние што не се мој народ:* ‚Ти си мој народ‘,+ а тие ќе речат ‚Ти си мој Бог!‘ “+

3 Потоа Јехова ми рече: „Оди и повторно сакај ја жената која друг ја сака+ и која врши прељуба, како што Јехова ги сака синовите на Израел,+ додека тие се свртуваат кон други богови+ и со задоволство им принесуваат суво грозје“.+

2 И ја купив за петнаесет сребреници+ и за гомер* и пол јачмен. 3 Потоа ѝ реков: „Многу денови ќе живееш како моја жена.+ Не смееш да вршиш блуд+ и да легнеш со друг човек,+ а нема ни јас да легнам со тебе“.

4 Зашто, многу денови синовите на Израел ќе живеат без цар,+ без кнез, без жртва,+ без обреден столб, без свештенички ефод+ и без домашни идоли.+ 5 Потоа синовите на Израел ќе се вратат и ќе го бараат Јехова, својот Бог,+ и Давид, својот цар,+ и со трепет ќе дојдат кај Јехова+ и кај неговата доброта во последните денови.+

4 Послушајте ја Јеховината реч, синови на Израел! Јехова води парница против жителите на земјата,+ зашто во земјата нема ни вистина,+ ни добрина,* ниту знаење за Бог.+ 2 Клетвите,+ измамите,+ убиствата,+ кражбите+ и прељубите+ зедоа замав, и едно крвопролевање го стигнува другото.+ 3 Затоа земјата ќе тагува,+ ќе премалат сите нејзини жители и полските животни и небесните птици, дури и рибите во морето ќе изгинат.+

4 „Но никој да не се препира+ и никој никого да не укорува, зашто твојот народ е како оние што се препираат со свештеник.+ 5 Дење ќе се сопнуваш,+ а и пророкот ќе се сопнува со тебе, како да е ноќе.+ И твојата мајка ќе ја погубам.*+ 6 Мојот народ ќе изгине,* зашто нема знаење.+ Поради тоа што ти го отфрли знаењето,+ јас ќе те отфрлам тебе за повеќе да не ми служиш како свештеник.+ И поради тоа што го забораваш законот на својот Бог,+ јас ќе ги заборавам твоите синови.+ 7 Колку повеќе ги има, толку повеќе ми грешат.+ Мојата слава ја заменија со срам.+ 8 Се хранат со гревот на мојот народ и душата им копнее по неговиот престап.+

9 Затоа на народот ќе му биде исто како и на свештеникот.+ Ќе се пресметам со нив поради нивните патишта+ и нивните дела ќе им ги фрлам на нивна глава.+ 10 Ќе јадат, но нема да се наситат.+ Ќе блудствуваат со жени, но нема да се намножат,+ зашто престанаа да го слушаат Јехова.+ 11 Блудството, виното и ширата го поматуваат разумот.*+ 12 Мојот народ го прашува за совет својот дрвен+ идол, стапот што го држи во раката му зборува. Зашто, духот на блудот ги заведе, па лутаат,+ и со своето блудство се одметнуваат од својот Бог.+ 13 Принесуваат жртви на планинските врвови+ и горат приноси по ридовите,+ под дрвјата стиракс и под другите дрвја, зашто е добра нивната сенка.+ Затоа ќерките ваши вршат блуд и снаите ваши прават прељуба.

14 Нема да барам сметка од вашите ќерки поради нивниот блуд и од вашите снаи поради нивната прељуба. Зашто, мажите одат насамо со блудниците,+ и со храмските блудници+ принесуваат жртви. А народот што нема никакво разбирање+ ќе биде згазен. 15 Ако вршиш блуд, ти Израеле,+ нека не биде виновен и Јуда!+ Не доаѓајте во Гилгал,+ не одете во Вет-Авен+ и не заколнувајте се: ‚Како што е жив Јехова!‘+ 16 Зашто, Израел стана тврдоглав+ како тврдоглава крава. Ќе ги пасе ли сега Јехова како што се пасе млад овен на широко место? 17 Ефрем се здружил со идолите.+ Остави го!+ 18 Кога ќе завршат со пијанчењето,*+ се оддаваат на блуд.+ Неговите заштитници+ сакаат срамотни дела.+ 19 Ветрот ги зафати со своите крилја.+ Народот ќе се засрами од своите жртви.“+

5 „Чујте го ова, свештеници!+ Внимавај, доме Израелов! Послушај, доме царев!+ Вам ви се суди, зашто станавте замка+ во Миспа и мрежа оптегната над Тавор.+ 2 Во колеж загазија оние што отпаѓаат од правиот пат,+ а јас сите нив ги опоменував.+ 3 Јас го познавам Ефрем,+ и Израел не е скриен од мене.+ Зашто, ти, Ефреме, со жени блудствуваш!+ Израел се извалка.+ 4 Нивните дела не им дозволуваат да му се вратат на својот Бог,+ зашто духот на блудот+ е меѓу нив, а за Јехова не им е грижа.+ 5 Со својата гордост Израел самиот се обвинува в лице.+ Израел и Ефрем се спрепнуваат во својот престап,+ а и Јуда се спрепнува со нив.+ 6 Со својата ситна и крупна стока отидоа да го бараат Јехова, но не го најдоа.+ Тој се оддалечи од нив. 7 Го изневерија Јехова,+ зашто им станаа татковци на туѓи синови.+ Затоа, за еден месец ќе бидат проголтани заедно со својот имот.+

8 Затрубете во рог+ во Гаваја,+ во труба во Рама! Викнете како во војна во Вет-Авен+ — по тебе, Венијамине!+ 9 Над тебе, Ефреме, ќе се згрозуваат луѓето во денот кога ќе бидеш казнет.+ Меѓу племињата на Израел објавив верни зборови.+ 10 Кнезовите на Јуда станаа како оние што поместуваат меѓа.+ Врз нив ќе го излеам својот гнев како вода. 11 Ефрем е угнетен, со право е згазен,+ зашто по своја волја застана покрај својот противник.+ 12 А јас му станав на Ефрем како молец+ и на домот на Јуда како гнилеж.

13 Ефрем ја виде својата болест, и Јуда — чирот свој.+ Ефрем отиде во Асирија+ и му се обрати на големиот цар.+ Но тој не можеше ниту да ве излекува+ ниту да ви го отстрани чирот со некаков лек.+ 14 Зашто, ќе му бидам на Ефрем како млад лав,+ како граблив млад лав на домот на Јуда. Јас, јас ќе ги раскинам и ќе отидам, ќе ги однесам и не ќе има кој да ги спаси.+ 15 Ќе отидам и ќе се вратам на моето место додека не платат за својата вина,+ и ќе го бараат моето лице.+ Кога ќе се најдат во неволја,+ ќе ме бараат.“+

6 „Дојдете, да му се вратиме на Јехова,+ зашто тој нѐ растргна,+ тој и ќе нѐ излекува.+ Тој нѐ удираше, тој и ќе ни ги преврзе раните.+ 2 Ќе нѐ оживее по два дена.+ На третиот ден ќе нѐ подигне, и ќе живееме пред него.+ 3 Тогаш ќе го запознаеме Јехова и ќе се трудиме да го запознаеме уште подобро.+ Неговото доаѓање е сигурно како и доаѓањето на зората.+ Бог ќе ни дојде како дожд,+ како пролетен дожд што ја натопува земјата.“+

4 „Што да ти направам, Ефреме? Што да ти направам, Јудо,+ кога вашата добрина* е како утринските облаци и како росата која рано исчезнува? 5 Затоа ќе ги сечам преку своите пророци,+ ќе ги убијам со зборовите на својата уста.+ И твоите осуди ќе бидат како светлината што излегува.+ 6 Зашто, мене ми е мила добрината,*+ а не жртвата,+ и познавањето на Бог, а не целите паленици.+ 7 Но тие, како земски човек, го престапија сојузот.+ Таму ме изневерија.+ 8 Галад+ е град на злосторниците, нивните траги се крвави.+ 9 Собирот од свештеници е како разбојничка дружина+ која ги демне луѓето.+ Крај патот во Сихем+ вршат убиства зашто се сосема предадени на своите срамотни дела.+ 10 Гледам ужасни работи во домот на Израел.+ Таму е блудот на Ефрем.+ Израел се извалкал.+ 11 А тебе, Јудо, жетвата ти е одредена, кога ќе го вратам својот заробен народ.“+

7 „Кога сакам да го излекувам Израел,+ се открива и престапот на Ефрем,+ а и злите дела на Самарија,+ зашто се занимаваат со измама+ и крадец влегува во куќа, а надвор напаѓа разбојничка дружина.+ 2 И не помислуваат во своето срце+ дека јас ја помнам сета нивна злоба.+ Сега ги опколија нивните дела.+ Дојдоа пред моето лице.+ 3 Со својата злоба го веселат царот и со своите измами ги веселат кнезовите.+ 4 Сите тие се прељубници.+ Се распалија како што пекарот ја распалува печката, па престанува да дува во огнот откако ќе го замеси тестото и го чека да скисне. 5 На денот на нашиот цар, кнезовите се разболеа+ — се гневат од виното.+ Тој ја испружува раката своја кон потсмевачите. 6 Зашто, срцето им се распали од желба+ како да го приближиле кон печка, тоа гори во нив. Нивниот пекар спие цела ноќ, а наутро печката се разгорува како разгорен оган.+ 7 Сите се распалени како печка и ги проголтуваат своите судии. Сите нивни цареви паднаа,+ ниту еден од нив не ме повикува мене.+

8 Ефрем се измеша со народите.+ Ефрем стана како погача што при печење не е превртена на другата страна.+ 9 Туѓинци му ја проголтуваат силата,+ а тој не го сфаќа тоа.+ И неговата седа коса му ја покри главата, но тој не го сфаќа тоа. 10 Со својата гордост Израел самиот се обвинува в лице,+ но тие не се враќаат кај Јехова, својот Бог,+ и не го бараат поради сето тоа.+ 11 Ефрем е како лековерна гулабица,+ со неразумно срце.+ Тие го повикуваат Египет,+ одат во Асирија.+

12 Каде и да одат, ќе ја распнам својата мрежа над нив.+ Ќе ги соборам како небесни птици.+ Ќе ги казнам како што веќе ја предупредив нивната заедница.+ 13 Тешко ним,+ зашто побегнаа од мене!+ Нека ги стигне пропаст, зашто ми згрешија! Јас сакав да ги откупам,+ а тие кажуваат лаги против мене.+ 14 И не ме повикуваа за помош со своето срце,+ иако горко плачеа на своите постели. Поради житото и виното* свое скитаа наоколу,+ се свртуваа против мене.+ 15 А јас ги укорував+ и им помагав,+ но тие смислуваа зло против мене.+ 16 И се вратија, но не кај возвишениот,*+ станаа како незатегнат лак.+ Нивните кнезови ќе паднат од меч поради навредите што ги кажуваат.+ Со тоа ќе станат за потсмев во египетската земја.“+

8 „Стави го рогот на својата уста!+ Оној што доаѓа како орел+ против Јеховиниот дом, зашто го престапија мојот сојуз+ и го прекршија мојот закон.+ 2 Кон мене викаат: ‚Боже мој! Ние, Израелците, те познаваме!‘+

3 Израел го отфрли доброто.+ Нека биде прогонет од непријателот!+ 4 Поставуваат цареви,+ но без мене. Поставуваат кнезови, но без мое знаење. Од своето сребро и од своето злато си прават идоли+ за да бидат истребени.+ 5 Отфрлено е твоето теле,+ Самаријо! Се распламти мојот гнев против нив.+ До кога не ќе можат да се исчистат?+ 6 Зашто, и тоа теле е од Израел.+ Човек го направил+ и не е Бог, зашто телето на Самарија ќе се распрсне на парчиња.+

7 Сеат ветар, а ќе пожнеат бура.+ На стебленцата жито нема клас.+ Она што изникнува нема да даде брашно,+ а ако и даде, туѓинци ќе го проголтаат.+

8 Израел ќе биде проголтан,+ ќе заврши меѓу народите,+ како сад што никој не го сака.+ 9 Зашто, отидоа во Асирија,+ како своеглава зебра.+ Ефрем си најмува љубовници.+ 10 И иако ги најмуваат меѓу народите,+ јас ќе ги соберам и за кратко ќе се најдат во тешки болки+ под бремето на царот и на кнезовите.

11 Ефрем ги умножи жртвениците за да греши.+ Неговите жртвеници му служат за грев.+ 12 Му напишав многу зборови во својот закон,+ но нему не му е грижа за нив.+ 13 Мене ми жртвуваа месо+ како жртвен дар и го јадеа она што не ми е мило, вели Јехова.+ Ќе се сетам на нивниот престап и ќе ги повикам на одговорност за нивните гревови.+ Се вратија во Египет.+ 14 Израел го заборави својот Творец+ и почна да гради храмови,+ а и Јуда ги намножи утврдените градови.+ Но во неговите градови јас ќе испратам оган кој ќе ги проголта утврдените дворци во секој од нив.“+

9 „Не радувај се, Израеле!+ Не весели се како другите народи!+ Зашто, поради блуд го остави својот Бог.+ Ги засака даровите што ги доби како блудничка плата на сите гумна со жито.+ 2 Гумното и винското гмечало не можат да ги нахранат,+ и виното* им носи разочарување.+ 3 Нема повеќе да живеат во Јеховината земја.+ Ефрем ќе се врати во Египет,+ и во Асирија ќе го јадат она што е нечисто.+ 4 Нема повеќе да му излеваат вино на Јехова.+ Нивните жртви нема да му бидат пријатни.+ Тие им се како леб што се јаде во време на жалост,+ и сите што ќе го јадат ќе се извалкаат. Зашто, нивниот леб е за нивната душа, нема да биде принесен во Јеховиниот дом.+ 5 Што ќе правите во денот на средбата и во денот на Јеховиниот празник?+ 6 Зашто, гледај, тие ќе мораат да си одат, бидејќи земјата ќе биде опустошена.+ Египет ќе ги собере,+ а Мемфис*+ ќе ги закопа. Нивните сребрени драгоцености ќе им останат во наследство на копривите,+ а трнливи грмушки ќе растат во нивните шатори.+

7 Ќе дојдат денови за казна,+ ќе дојдат денови за наплата.+ Израел ќе го знае тоа.+ Пророкот ќе биде безумен,+ а човекот што зборува под вдахновение ќе полуди од мноштвото твои престапи+ и од големата омраза.“

8 Ефремовиот стражар+ беше со мојот Бог.+ А пророкот+ — тој е замка птичарска на сите негови патишта.+ Омраза владее во домот на неговиот Бог. 9 Загазија во расипаност,+ како во деновите на Гаваја.+ Тој ќе се сети на нивниот престап+ и ќе ги казни за нивните гревови.

10 „Го најдов Израел како грозје во пустина.+ Како ран плод на смоква што првпат раѓа, ги видов вашите татковци.+ Тие одеа кај Ваал фегорски+ и му се предаваа на тој срамен бог,+ па станаа одвратни како и она што го сакаа.+ 11 А славата на Ефрем одлетува како птица+ и нема раѓање, нема бременост, нема зачнување.+ 12 Зашто, дури и да ги одгледаат своите синови, ќе им ги убијам пред да станат момчиња.+ Тешко ним кога ќе ги оставам!+ 13 Ефрем, кој е засаден на пасиште, ми изгледаше како Тир.+ Тој Ефрем ќе мора да ги изведе своите синови пред убиец.“+

14 Дај им го, Јехова, она што треба да им го дадеш!+ Дај им утроба што пометнува+ и гради исушени!

15 „Сета нивна злоба беше во Гилгал,+ зашто таму навистина ги замразив.+ Поради нивните зли дела ќе ги истерам од својот дом.+ Нема повеќе да ги сакам.+ Сите нивни кнезови се тврдоглави.+ 16 Ефрем ќе биде поразен.+ Ќе се исуши нивниот корен.+ Ќе немаат плод.+ Дури и да родат, ќе го погубам милиот плод на нивната утроба.“+

17 Мојот Бог ќе ги отфрли,+ зашто не го слушаа,+ и ќе станат бегалци меѓу народите.+

10 „Израел е лоза што се расипа.+ Донесува плод само за себе.+ Колку повеќе плодови има толку повеќе ги умножува своите жртвеници.+ Колку му е подобра земјата толку поукрасени обредни столбови подига.+ 2 Срцето нивно стана лицемерно.+ Затоа се виновни.

Тој ќе ги урне нивните жртвеници и ќе ги опустоши нивните столбови.+ 3 А тие тогаш ќе речат: ‚Немаме цар,+ зашто не се боевме од Јехова. А и што би направил царот за нас?‘

4 Кажуваат празни зборови, се заколнуваат лажно+ и склучуваат сојуз,+ а неправдата никнува како отровно растение по ораниците.+ 5 Ќе страхуваат жителите на Самарија за идолското теле од Вет-Авен.+ Неговиот народ ќе тагува за него, како и свештениците на туѓите богови, кои му се радуваа поради неговата слава, зашто ќе отиде откај нив во изгнанство.+ 6 Ќе го однесат во Асирија како дар на големиот цар.+ Срам ќе го обземе Ефрем,+ и Израел ќе се посрами поради своите намери.+ 7 Ќе ги снема* Самарија и нејзиниот цар,+ како откинато гранче на површината на водата. 8 Обредните височинки на Вет-Авен,+ гревот на Израел,+ ќе бидат уништени. Трње и плевел*+ ќе растат по нивните жртвеници.+ А луѓето ќе им зборуваат на планините: ‚Покријте нѐ!‘ — и на ридовите: ‚Паднете врз нас!‘+

9 Уште од деновите на Гаваја+ трае твојот грев,+ Израеле! Во него народот и остана. Во Гаваја не ги стигна војната против синовите на неправедноста.+ 10 Ќе ги казнам кога јас ќе сакам.+ Кога ќе ги впрегнам да ги влечат двата свои грева, против нив ќе се соберат народите.+

11 Ефрем беше добро научена јуница, која сакаше да врши жито,+ а јас поминав преку нејзиниот убав врат. Ќе дадам некој да го впрегне Ефрем.+ Јуда ќе ора,+ а Јаков ќе влече брана.+ 12 Сејте си семе во праведност+ и жнејте милост.*+ Обработувајте за себе земја,+ зашто е време да го барате Јехова додека да дојде+ и да ве поучи во праведност.+

13 А вие орате зло. Жнеете неправда.+ Јадете плодови на измамата,+ зашто имате доверба во својот пат,+ во мноштвото свои јунаци.+ 14 Викотница се крена меѓу твојот народ+ и сите твои утврдени градови ќе бидат опустошени,+ како што Салман го опустоши Домот на Арвел, во денот на битката, кога мајката ја здробија заедно со нејзините синови.+ 15 Така ќе ви направат, жители на Ветил, поради вашата голема злоба.+ Взори ќе го снема* царот на Израел.“+

11 „Кога Израел беше дете, јас го сакав,+ и од Египет го повикав својот син.+

2 Колку повеќе ги викаа Израелците+ толку повеќе тие се оддалечуваа од оние што ги викаа.+ Им принесуваа жртви на ликовите на Ваал+ и им гореа приноси на режаните ликови.+ 3 А јас го учев Ефрем да оди,+ ги земав в раце,+ но тие не сакаа да признаат дека јас ги излекував.+ 4 Ги привлекував со јажињата на земниот човек, со врвците на љубовта,+ и им бев како оние што го тргаат јаремот од нивната челуст,+ нежно ги хранев сите нив.+ 5 Тој нема да се врати во египетската земја, туку Асирија ќе му биде цар,+ зашто не сакаа да се вратат кај мене.+ 6 И мечот ќе беснее по неговите градови,+ ќе ги уништи неговите резиња и ќе ги проголта+ поради нивните сплетки.+ 7 Народот мој е склон да ми биде неверен.+ Го викаат кај возвишениот,* но никој не станува.

8 Како да те оставам, Ефреме?+ Како да те напуштам, Израеле?+ Како да постапам со тебе како со Адма?+ Како да ти го направам истото што му го направив на Севоим?+ Ми се променија чувствата во срцето+ и се разгоре мојата сомилост. 9 Нема да го излеам својот распламтен гнев.+ Нема повторно да му донесам пропаст на Ефрем,+ зашто јас сум Бог,+ а не човек, Светецот кој е среде тебе.+ Нема да дојдам гневен. 10 Тие ќе одат по Јехова.+ Како лав тој ќе рикне,+ а кога ќе рикне,+ синовите треперејќи ќе дојдат од запад.+ 11 Треперејќи како птица ќе дојдат од Египет,+ и како гулаб — од асирската земја.+ И ќе ги населам во нивните куќи, вели Јехова.+

12 Ефрем ме опколи со лаги+ и домот на Израел со измама. Но Јуда уште оди со Бог+ и верен му е на Најсветиот.“

12 „Ефрем се храни со ветар+ и трча по источниот ветар по цел ден.+ Ги умножува лагите и грабежот.+ Склучуваат сојуз со Асирија+ и носат масло во Египет.

2 Јехова има парница со Јуда+ и ќе бара сметка од Јаков за неговите патишта,+ ќе му плати според неговите дела.+ 3 Во утробата го фати својот брат за петицата+ и со целата своја сила се бореше со Бог.+ 4 Се бореше со ангел и го надвладеа.+ Плачеше за да измоли милост за себе.“+

Бог го најде во Ветил,+ и таму почна да ни зборува.+ 5 Тоа е Јехова, Богот над војските.+ Името Јехова е неговиот спомен.+

6 „А ти, врати се кај својот Бог,+ постапувај според добрината* и според правдата,+ и секогаш надевај се на својот Бог!+ 7 Во раката на трговецот има измамлива вага.+ Сака да мами.+ 8 Ефрем вели: ‚Навистина се збогатив,+ си стекнав богатство!+ А во сиот мој труд нема да најдат вина што би била тежок грев‘.+

9 Но јас сум Јехова, Богот твој, уште од египетската земја.+ Ќе ти дадам повторно да живееш во шатори како во деновите на празникот. 10 Им зборував на пророците,+ давав многу виденија и преку пророците зборував во споредби.+

11 Во Галад се прават магии,+ се зборува невистина.+ Во Гилгал жртвуваат јунци.+ Нивните жртвеници се како куп камења во полските бразди.+ 12 Јаков избега во сириското+ поле, Израел+ слугуваше за жена,+ за жена чуваше овци.+ 13 Преку пророк Јехова го изведе Израел од Египет+ и преку пророк го чуваше.+ 14 А Ефрем го огорчи со своето навредување,+ и крвта што ја пролеа останува на него.+ Неговиот Голем Господар ќе му плати за срамот што му го нанесе.“+

13 „Кога Ефрем зборуваше, луѓето трепереа. Тој беше моќен во Израел.+ Но си навлече вина поради Ваал+ и загина.+ 2 А сега греши уште повеќе, си прави кипови излеани од сребро,+ идоли според своите замисли,+ а сите тие се само дело на вешти луѓе.+ И ним им велат: ‚Луѓето што принесуваат жртви нека ги бакнуваат ликовите на излеаните телиња!‘+ 3 Затоа ќе бидат како утрински облаци+ и како роса, која брзо ја снемува, како плева што ветар ја разнесува од гумното+ и како дим што излегува низ отворот на покривот.

4 Но јас сум Јехова, твојот Бог, уште од египетската земја.+ Не познаваше друг Бог освен мене и немаше друг спасител освен мене.+ 5 Јас се грижев за тебе во пустината,+ во земјата каде што владеат трески.+ 6 Се наситија на своето пасиште.+ Се наситија, и нивното срце се вообрази,+ па ме заборавија.+ 7 Затоа јас ќе им бидам како млад лав.+ Ќе демнам покрај патот како леопард.+ 8 Ќе ги пресретнам како мечка која ги изгубила мечињата+ и ќе им ги раскинам градите до срцето. Ќе ги проголтам таму како лав,+ ѕвер полски ќе ги растргне.+ 9 Сето тоа ќе те доведе до пропаст,+ Израеле, зашто ми згреши мене, на твојот помошник.+

10 Каде е сега твојот цар за да те спаси во сите твои градови,+ и каде се твоите судии, за кои велеше: ‚Дај ми цар и кнезови‘?+ 11 Ти дадов цар во својата јарост+ и ќе ти го земам во својот гнев.+

12 Врзан е престапот на Ефрем, зачуван е неговиот грев.+ 13 Ќе го фатат породилни болки како родилка.+ Тој е син кој нема мудрост+ зашто, кога ќе му дојде времето да се роди, не излегува од мајчината утроба.+

14 Од раката на гробот* јас ќе ги откупам,+ од смрт ќе ги избавам.+ Смрт, каде ти се осилата?+ Гробу,* каде е твојата разорна моќ?+ Сомилоста ќе биде скриена од моите очи.+

15 Дури и да биде плоден за да го има како трските,+ ќе дојде источен ветар, ветар Јеховин.+ Ќе дојде од пустината, ќе му го исуши кладенецот и ќе му го пресуши изворот.+ Ќе го ограби неговото богатство, сите негови драгоцености.+

16 Самарија ќе ја носи својата вина,+ зашто се побуни против својот Бог.+ Тие ќе паднат од меч.+ Децата ќе им бидат здробени,+ а нивните трудници ќе бидат распорени.“+

14 „Врати се, Израеле, кај Јехова, својот Бог,+ зашто се спрепна во својот престап.+ 2 Земете со себе зборови на покајание и вратете се кај Јехова.+ Кажете му сите: ‚Прости ни ја вината+ и прими го она што е добро, а ние ќе ти принесеме за возврат плод* од усните свои!+ 3 Асирија нема да нѐ спаси.+ Нема да јаваме на коњи+ и нема повеќе да им велиме на делата на рацете свои: „Боже наш!“ — зашто ти си милостив кон детето без татко‘.+

4 Јас ќе ја излекувам нивната неверност.+ Ќе ги сакам со задоволство,+ зашто мојот гнев се одврати од него.+ 5 Ќе му бидам на Израел како роса.+ Ќе процвета како крин и ќе ги пушти своите корења како ливанско стебло. 6 Ќе пушти гранчиња, ќе биде ценет како маслинка,+ а неговиот мирис ќе биде како мирисот на ливанските стебла. 7 Тие повторно ќе живеат во неговата сенка.+ Ќе одгледуваат жито и ќе распупат како лоза.+ Споменот за него ќе им биде како ливанско вино.

8 Ефрем ќе рече: ‚Што имам јас уште со идолите?‘+

А јас ќе одговорам и ќе го чувам.+ Јас сум како зелена смрека.+ На мене ќе се најде плод за него.“

9 Кој е мудар, па да го разбере сето ова?+ Кој е разборит, па да го спознае?+ Зашто, патиштата на Јехова се прави,+ и праведни се оние што одат по нив,+ но престапниците се сопнуваат на нив.+