Послание до Филипјаните

1 Павле и Тимотеј, робови+ на Христос Исус, до сите свети во единство со Христос Исус, кои се во Филипи,+ и до надгледниците и слугите помошници:+

2 Бог, нашиот Татко, и Господарот* Исус Христос+ нека ви дадат незаслужена доброта и мир!

3 Кога ќе се сетам на вас, му благодарам на својот Бог+ 4 во секоја своја сесрдна молитва за сите вас.+ Радосно ги упатувам своите сесрдни молитви за вас 5 поради вашиот придонес+ во ширењето на добрата вест од првиот ден до сега. 6 Зашто, уверен сум во ова: оној што го започнал доброто дело во вас, ќе го доврши+ до денот+ на Исус Христос. 7 Исправно е така да мислам за сите вас, зашто ве носам во срцето,+ сите вас кои ја делите+ со мене Божјата незаслужена доброта, и во моите окови+ и во одбраната+ и во законското потврдување на правото да се проповеда добрата вест.+

8 Зашто, Бог ми е сведок колку копнеам по сите вас со љубов+ каква што има Христос Исус. 9 И се молам вашата љубов сѐ повеќе и повеќе да расте+ во доброто познавање*+ и во потполното сфаќање+ на Божјата волја 10 и да можете да процените што е најважно,+ за да бидете непорочни+ и да не ги спрепнувате+ другите сѐ до Христовиот ден 11 и, со помош на Исус Христос, да бидете полни со плодот на праведноста,+ на Божја слава и фалба.+

12 А сакам да знаете, браќа, дека ова што ми се случува, всушност, помага да се шири добрата вест,+ 13 така што меѓу целата царска телесна стража* и меѓу сите останати+ стана познато+ дека сум во окови+ поради верата во Христос. 14 А и повеќето браќа во Господарот се охрабрија поради моите окови, па уште посмело, без страв, ја зборуваат речта Божја.+

15 Вистина, некои го проповедаат Христос од завист и од соперништво,+ а други од добра волја.+ 16 Овие вториве го објавуваат Христос од љубов, зашто знаат дека овде сум поставен за да ја бранам+ добрата вест, 17 а оние првине го прават тоа од честољубие,+ не од чисти побуди, зашто мислат дека така ќе ми ја отежнат неволјата+ додека сум во окови. 18 И што постигнуваат со тоа? Ништо друго, освен што на секој начин, било од неискрени+ побуди било од искрени, Христос се проповеда.+ На тоа се радувам. А и понатаму ќе се радувам, 19 зашто знам дека тоа ќе доведе до мое спасение поради вашите сесрдни молитви+ и со помош на духот на Исус Христос,+ 20 желно исчекувајќи+ и надевајќи се+ дека поради ништо нема да се посрамам,+ туку дека поради големата смелост+ со која проповедам, Христос и сега, како и секогаш досега, ќе се велича преку моето тело,+ било преку мојот живот било преку мојата смрт.+

21 Зашто, за мене живеењето е Христос,+ а умирањето — добивка.+ 22 А ако и понатаму живеам во тело, ќе можам и понатаму да донесувам плод во својата служба+ — но не ставам до знаење што би избрал. 23 Тие две работи ме притискаат,+ но всушност сакам ослободување и сакам да бидам со Христос,+ зашто тоа е многу подобро.+ 24 Но поради вас е попотребно да останам во тело.+ 25 Бидејќи сум уверен во тоа, знам дека ќе останам+ и ќе бидам со сите вас за да напредувате+ и да се радувате во верата. 26 Така ќе можете многу да се радувате во Христос Исус поради мене, кога повторно ќе бидам со вас.*

27 Само живејте живот достоен+ на добрата вест за Христос, за — било да дојдам и да ве видам било да не дојдам — да чујам за вас дека сте непоколебливи во еден дух и дека еднодушно+ заеднички се борите за верата на добрата вест 28 и дека во ништо не се плашите од своите противници.+ Тоа е доказ дека тие ќе бидат уништени, а вие спасени+ — тоа е знак од Бог. 29 Бидејќи вам ви е укажана чест заради Христос, не само да верувате+ во него туку и да страдате+ за него. 30 Зашто, ја водите истата борба што видовте дека ја водев јас+ и за која сега слушате дека ја водам.+

2 Затоа, ако имате некакво охрабрување во Христос,+ ако имате некаква утеха поттикната од љубов, ако имате некакво единство во духот,+ ако имате некакви нежни чувства+ и сомилост, 2 надополнете ја мојата радост со ова: бидете сложни во размислувањето+ и имајте ја истата љубов, бидете еднодушни, еднакво размислувајте,+ 3 не правете ништо од честољубие,+ ниту од суета,+ туку од понизност сметајте ги другите за поголеми од себе+ 4 и не грижете се само за себе+ туку и за другите.+

5 Размислувајте така како што размислуваше и Христос Исус,+ 6 кој, иако беше во Божји облик,+ не помислуваше да се граба — да биде еднаков со Бог.+ 7 Напротив, се одрече од самиот себе и зеде облик на роб+ и стана сличен на луѓето.+ 8 Освен тоа, кога по облик стана човек,+ се понизи и стана послушен сѐ до смртта,+ и тоа смрт на маченички столб.*+ 9 Токму затоа Бог го возвиши+ и му подари име кое е над секое друго име,+ 10 за во Исусово име да се свитка секое колено на оние што се на небото и на оние што се на земјата и на оние што се под земјата,+ 11 и секој јазик јавно да го признае+ Исус Христос за Господар,*+ на слава на Бог, Таткото.+

12 Затоа, сакани мои, како што секогаш бевте послушни+ — не само кога сум со вас* туку уште повеќе сега кога не сум со вас — работете на своето спасение со страв+ и трепет. 13 Зашто Бог, бидејќи го сака тоа, дејствува во вас+ и за да сакате и за да постапувате.+ 14 Правете сѐ без негодување+ и препирање,+ 15 за да бидете беспрекорни+ и недолжни, Божји деца,+ неизвалкани среде еден расипан и изопачен род+ во кој како светлоносци светите во светот,+ 16 цврсто држејќи се за речта на животот,+ за да можам во Христовиот ден+ да се радувам што не сум трчал залудно, ниту сум се трудел залудно.+ 17 Но, дури и да се излевам како жртва налевница+ врз вашата жртва+ и врз службата што ја вршите поттикнати од верата,+ се веселам и се радувам+ со сите вас. 18 А исто и вие веселете се и радувајте се со мене.+

19 Се надевам дека, ако му биде по волја на Господарот Исус, наскоро ќе ви го испратам Тимотеј, за да ми се развесели душата+ кога ќе дознаам како сте. 20 Зашто, немам никој друг како него, кој вистински би се грижел+ за вашата благосостојба. 21 Зашто, сите други се грижат само за себе,+ а не за она што му припаѓа на Христос Исус. 22 Но вие знаете како каков се докажа тој, дека, како дете+ со татко, робуваше со мене во ширењето на добрата вест. 23 Значи, се надевам дека него ќе го испратам штом ќе видам што ќе биде со мене. 24 А уверен сум дека, ако биде волјата на Господарот, и самиот наскоро ќе дојдам.+

25 Но сметам дека е потребно да ви го испратам Епафродит,+ својот брат и соработник+ и соборец,+ кого го испративте да ми служи во моите потреби, 26 зашто копнее да ве види сите вас и потиштен е што сте чуле дека се разболел. 27 Навистина, се разболе речиси до смрт, но Бог му се смилува,+ и не само нему туку и мене, за да не ми дојде жал врз жал. 28 Затоа ќе го испратам што поскоро, за повторно да се израдувате кога ќе го видите, а јас да бидам помалку жалосен. 29 Затоа пречекајте го со сета радост+ како што ги пречекувате сите што се во единство со Господарот. Почитувајте ги таквите како него,+ 30 бидејќи, поради делото на Господарот, тој беше сосема близу до смртта, изложувајќи го својот живот* на опасност,+ за да го надомести тоа што вие не сте тука за да ми послужите.+

3 На крајот, браќа мои, радувајте се во Господарот.+ Мене не ми е тешко да ви пишувам едно исто, а вам тоа ви е заштита.

2 Чувајте се од нечистите луѓе,*+ чувајте се од оние што им нанесуваат зло на другите, чувајте се од оние што бараат да се обрежува телото.+ 3 Зашто, ние имаме вистинско обрежување,+ ние кои служиме* преку Божјиот дух+ и се фалиме со Христос Исус,+ а не се надеваме на телото.+ 4 А ако некој има причини да се надева и на телото, тогаш тоа сум јас.

Смета ли некој друг дека има причини да се надева на телото, јас ги имам уште повеќе:+ 5 обрежан во осмиот ден,+ од израелски род, од племето на Венијамин,+ Евреин роден од Евреи,+ по законот — фарисеј,*+ 6 по ревноста — прогонител на собранието,*+ по праведноста која произлегува од послушноста кон законот — беспрекорен. 7 Но она што ми беше добивка, поради Христос го сметам за загуба.+ 8 И не само тоа, дури сметам дека сѐ е загуба во споредба со ненадминливата вредност на познавањето на Христос Исус, мојот Господар.*+ Поради него јас се согласив да изгубам сѐ и сето тоа го сметам за смет,+ само да го добијам Христос 9 и да се најдам во единство со него — не потпирајќи се на својата праведност, која произлегува од вршењето на законот,+ туку на онаа што доаѓа поради верата+ во Христос, на праведноста која доаѓа од Бог, а се темели на верата+ — 10 за да го запознаам него и силата на неговото воскресение+ и учеството во неговите страдања,+ подложувајќи се на смрт слична на неговата,+ 11 за да можам некако да го постигнам пораното воскресение+ од мртвите.

12 Не велам дека веќе сум ја добил наградата или дека веќе сум станал совршен,+ туку се трудам+ за и јас некако да го освојам+ она поради кое Христос Исус ме избрал*+ мене. 13 Браќа, јас не сметам дека веќе сум го освоил тоа. Но едно правам: го заборавам она што е зад мене+ и се трудам да го дофатам она што е пред мене,+ 14 итам кон целта,+ кон наградата+ на небесниот позив+ Божји преку Христос Исус. 15 Затоа, така да размислуваме+ сите ние што сме зрели.+ И ако во што и да било друго размислувате поинаку, Бог ќе ви открие дека треба да размислувате така како што опишав. 16 Но сеедно колку сме напредувале досега, да продолжиме да одиме со истиот вообичаен чекор.+

17 Браќа, сите вие заедно угледајте се на мене*+ и набљудувајте ги оние што живеат* по примерот што ви го дадовме.+ 18 Зашто, мнозина — често зборував за нив, а и сега плачејќи зборувам за нив — живеат* како непријатели на Христовиот маченички столб.*+ 19 Крајот им е пропаст,+ нивни бог се желбите на телото,*+ славата им е во нивниот срам+ и мислат на она што е земно.+ 20 А нашето граѓанство+ е на небесата,+ од каде што желно очекуваме+ спасител, Господарот Исус Христос,+ 21 кој ќе го преобликува нашето понижено тело+ за да биде како неговото славно тело,+ со силата+ со која може сѐ да подложи+ под себе.

4 Затоа, браќа мои љубени по кои копнеам, моја радост и круна,*+ сакани мои, бидете непоколебливи+ во Господарот, како што и ве упатив.

2 Еводија ја поттикнувам и Синтихија ја поттикнувам да бидат сложни во размислувањето,+ како што и им прилега на слугите на Господарот.* 3 Да, те молам и тебе, вистински другару,*+ помагај им на тие жени кои се бореа+ за добрата вест заедно со мене, и со Клемент и со останатите мои соработници,+ чии имиња+ се во книгата на животот.+

4 Секогаш радувајте се во Господарот.+ И повторно велам: радувајте се!+ 5 Вашата разумност+ нека им биде позната на сите луѓе. Господарот е близу.+ 6 Не бидете загрижени за ништо,+ туку во сѐ — со молитви и молби,*+ со благодарење — изнесете му ги своите барања на Бог.+ 7 И мирот+ Божји, кој ја надминува секоја мисла, ќе ги чува вашите срца+ и вашиот ум преку Христос Исус.

8 На крајот, браќа, сѐ што е вистинито, сѐ што е благородно,* сѐ што е праведно, сѐ што е чисто,+ сѐ што е допадливо,* сѐ што е пофално, сѐ што е доблесно и сѐ што е достојно за фалба, за тоа размислувајте.+ 9 Она што го научивте и го прифативте и го чувте и го видовте од мене, тоа правете го,+ и Богот на мирот+ ќе биде со вас.

10 Многу се радувам во Господарот што пак почнавте да мислите на мене.+ И порано мислевте на мене, но немавте можност тоа да го покажете. 11 Не го зборувам тоа поради немаштија, зашто сум научил да бидам задоволен во секакви околности.+ 12 Знам што значи да си во немаштија,+ а знам и како е да имаш изобилство. Научив* како да бидам задоволен во сѐ, во секакви околности — и кога е човек сит и кога е гладен, и кога има изобилство и кога е во немаштија.+ 13 Сѐ можам со помош на оној што ми дава сила.+

14 Сепак, добро направивте што ја поделивте+ со мене мојата неволја.+ 15 А вие, Филипјани, знаете и дека во почетокот на објавувањето на добрата вест, кога заминав од Македонија,* ниту едно друго собрание не ми помогна, давајќи и притоа примајќи, освен вие.+ 16 Зашто, дури во Солун и првиот и вториот пат ми го испративте тоа што ми беше потребно. 17 Не барам дар,+ туку го барам плодот+ кој се впишува на ваша сметка. 18 Но сѐ имам, и тоа во изобилие. Задоволени се моите потреби откако од Епафродит+ го примив она што сте ми го испратиле — пријатен мирис,+ прифатлива жртва,+ благопријатна за Бог. 19 А мојот Бог+ со своето славно богатство+ ќе ги задоволи сите ваши потреби+ преку Христос Исус. 20 А на нашиот Бог и Татко нека му е слава во сета вечност!+ Амин.*

21 Поздравете+ го секој свет во единство+ со Христос Исус. Ве поздравуваат браќата кои се со мене. 22 Ве поздравуваат сите свети, а посебно оние од дворецот на цезарот.+

23 Незаслужената доброта на Господарот Исус Христос нека биде со вашиот дух.+