Кој е Бог?

Речиси од самиот почеток на човечката историја, луѓето обожавале многу богови и божици. Сепак, од Библијата дознаваме дека постои еден Бог кој е „поголем од сите други богови“ (2. Летописи 2:5). Кој е тој Бог? И зошто е поголем од сите други богови што луѓето ги обожаваат? Во оваа лекција ќе дознаеш кои работи овој Бог сака да ги знаеш за него.

1. Кое е името на Бог и зошто можеме да бидеме сигурни дека тој сака да го знаеме неговото име?

Во Библијата, Бог ни открил некои работи за себе. Тој вели: „Јас сум Јехова. Тоа е моето име“. (Прочитај Исаија 42:5, 8.) Името Јехова, кое потекнува од хебрејскиот јазик, според многу изучувачи значи „оној што предизвикува да стане“. Јехова сака да го знаеме неговото име (2. Мојсеева 3:15). Зошто може да бидеме сигурни во тоа? Во Библијата, ова име се појавува повеќе од 7.000 пати.a Името Јехова му  припаѓа на „вистинскиот Бог горе на небото и долу на земјата“ (5. Мојсеева 4:39).

2. Што дознаваме од Библијата за Јехова?

Библијата ни кажува дека иако луѓето обожаваат многу богови, Јехова е единствениот вистински Бог. Зошто може да бидеме сигурни во тоа? Од неколку причини. Јехова има највисока, односно врховна власт, и единствено тој е „Севишен над целата земја“. (Прочитај Псалм 83:18.) Тој е Семоќен, што значи дека има моќ да прави сѐ што ќе посака. Тој создал сѐ — вселената и целокупниот жив свет на Земјата (Откровение 4:8, 11). И единствено Јехова постоел отсекогаш и ќе постои засекогаш (Псалм 90:2).

3. Бог има многу титули, но само едно име

За полесно да ја разбереш разликата меѓу титула и име, пушти го ВИДЕОКЛИПОТ, а потоа разговарајте за следново прашање:

ВИДЕОКЛИП: Многу титули, но само едно име (0:41)

• Која е разликата помеѓу една титула, како што е „Господар“, и едно име?

Библијата вели дека луѓето им служат на многу богови и господари. Прочитај Псалм 136:1-3, а потоа разговарајте за следново прашање:

• Кој е „Богот над боговите“ и „Господарот над господарите“?

4. Јехова сака да го знаеш и да го користиш неговото име

ВИДЕОКЛИП: Дали Бог има име? — извадок (3:11)

• Што мислиш, зошто Јехова сака да го знаеме неговото име?

Јехова сака луѓето да го користат неговото име. Прочитај Римјаните 10:13, а потоа разговарајте за следниве прашања:

• Зошто е важно да го користиме Божјето име, Јехова?

• Како се чувствуваш кога некој го памти и го користи твоето име?

• Што мислиш, како се чувствува Јехова кога го користиш неговото име?

5. Јехова сака да се зближиш со него

ВИДЕОКЛИП: Го барав вистинскиот Бог (8:18)

• Како влијаело врз Сотен тоа што го дознала Божјето име?

Пред да станеш нечиј пријател, обично го дознаваш неговото име. Прочитај Јаков 4:8а, а потоа разговарајте за следниве прашања:

• Според овој стих, на што те поттикнува Јехова?

• Како тоа што го знаеш и го користиш името на Бог може да ти помогне да се зближиш со него?

ШТО НАУЧИ:

Името на единствениот вистински Бог е Јехова. Тој сака да го знаеме и да го користиме неговото име за да се зближиме со него.

Како би одговорил?

• Каква разлика постои меѓу Јехова и боговите што ги обожаваат луѓето?

• Зошто треба да го користиме Божјето име?

• Што покажува дека Јехова сака да се зближиш со него?

ИСТРАЖУВАЈ

Разгледај пет причини зошто може да бидеме уверени дека постои Бог.

„Дали Бог постои?“ (Статија на интернет)

Прочитај зошто е разумно да веруваме дека Бог постоел отсекогаш.

„Кој го создал Бог?“ (Стражарска кула од 1 август 2014)

Дознај зошто треба да го користиме Божјето име и покрај тоа што не знаеме како се изговарало во минатото.

„Кој е Јехова?“ (Статија на интернет)

Дали е важно како го нарекуваме Бог? Прочитај зошто може да кажеме дека тој има само едно лично име.

„Колку имиња има Бог?“ (Статија на интернет)