Нема да се разочараш

НА една брачна двојка ѝ требало два дена за да стигне до таму. Тие пешачеле 70 километри носејќи две малечки деца низ џунгли опустошени од пијавици, и преку реки преплавени од тајфунски дождови. Но биле одлучни да не го пропуштат.

Две жени од Заир пешачеле преку 500 километри и поминале 14 дена на пат за да бидат таму. Исто така во Заир, еден 70-годишен старец стигнал таму возејќи се на својот велосипед 260 километри. Не го спречила оддалеченоста или неудобноста. Му било важно да не го пропушти.

Каде оделе сите тие? На еден од големите собири на Јеховините сведоци што биле организирани во нивните земји. И колку и да било тешко патувањето, сите чувствувале дека нивните напори се исплатиле.

Дали веќе си направил планови да присуствуваш на Обласните конгреси „Светлоносци“ во 1992? Веројатно ти не ќе мораш да поминеш толкави далечини како овие верни луѓе за да присуствуваш. Но дури и ако мораш да поднесеш некаква неудобност, те поттикнуваме да не го пропуштиш.

Подготвена е извонредна и многу практична програма. Ако се радуваш на христијанско дружење и ако си заинтересиран да научиш како можеш да најдеш вистински мир, што донесува иднината или како да ја вршиш подобро Божјата волја, ти ветуваме дека нема да се разочараш. Секој Сведок во твоето место ќе ти каже каде и кога се одржува најблискиот конгрес.