Во својата служба работи со сета душа

¹ Како Исусови ученици, наименувани сме да ја проповедаме добрата вест за Божјето Царство и да правиме ученици на Исус Христос (Мат. 24:14; 28:19, 20). Не постои друга работа на оваа Земја која може да се спореди по итност или значење. Во прашање се животите на милиони луѓе. Тоа ги заслужува нашите најдобри напори. Павловиот совет е прилично применлив: „Што и да правите, работете на тоа со сета душа како за Јехова“ (Кол. 3:23, NW). „Со сета душа“ е дефинирано како „горлив ентузијазам или предаденост насочена кон една цел“. Дали во својата служба работиш со сета душа?

² Што е потребно за да работиме со сета душа? На прифатливата служба Јехова се осврнал како на десеток, односно десетти дел (Мал. 3:10). Наместо да одредува посебен износ, десеттиот дел го претставува времето и силите што ги посветуваме во Јеховината служба како израз на нашата љубов кон него и знак на нашето предание нему (w 1.12.92, стр. 15). Нашата активност треба да ја одразува длабочината на нашата оддаденост и љубов кон Јехова. Човек кој работи со сета душа се чувствува наведен да му служи на Јехова колку што е можно попотполно во обем кој го дозволуваат неговото здравје и околностите.

³ Павле ги фалел христијаните кои ‚работеле напорно и се напрегале‘ (NW) на темел на надежта (1. Тим. 4:10). Тие се наградени со Јеховин благослов кој ги „збогатува“ (Изр. 10:22). За разлика од нив, оние кои скржаво или со мрморење ги даваат своето време и енергија пропуштаат да ја доживеат среќата која доаѓа од давањето (Дела 20:35). Одбивањето да му се даде најдоброто дословно го лишува Јехова од „десетокот“ што му припаѓа (Мал. 3:8).

⁴ Да му го дадеме најдоброто: Кога учествуваме во службата на подрачјето и го предаваме својот извештај, дали е тој точен? Книгата Нашата служба, страница 105, наведува: „Времето што си го поминал во службата на проповедање почнуваш да го сметаш кога ќе почнеш да сведочиш, а завршуваш кога ќе завршиш со својата последна посета во секој период на сведочење. Времето кое во текот на службата на проповедање го користиш за освежување или за земање оброк, немој да го пишуваш“. Потребно е добро планирање и напори да се постигне сѐ што се може додека сме во службата на подрачјето.

⁵ Да го дадеме најдоброто значи да сториме сѐ што можеме кога учествуваме во службата. Оној кој работи со сета душа не треба намерно да го ограничува своето проповедање на повремени обиди да сведочи неформално наместо да учествува во делото од врата до врата. Младите, некрстени објавители кои работат со сета душа нема да одат во проповедање само поради настојувањето на нивните родители, покажувајќи мал интерес кога се оди на вратите или кога се врши понуда.

⁶ Павле нѐ поттикнувал да ја одржиме својата марливост за да не станеме мрзливи (Евр. 6:11, 12). Колку е радосно кога може да се погледне личниот извештај од службата и да не се најде причина за посраменост — бидејќи сме работеле со сета душа! (2. Тим. 2:15). Наша најголема радост ќе биде кога меѓу преживеаните во големата неволја ќе видиме поединци на кои лично сме им помогнале. Секако, Јехова богато ги наградува оние кои му служат со сета душа.