Рубрика прашања

◼ Што би требало да имаме на ум кога пишуваме писма до станари кои не сме можеле да ги најдеме дома?

Од различни причини, увидуваме дека е сѐ потешко да контактираме со луѓето кога ги посетуваме нивните домови. Некои објавители откриваат дека пишувањето писма е практичен начин да ги достигнат. Иако ова може да донесе некои добри резултати, постои потреба да разгледаме некои потсетници кои можат да ни помогнат да избегнеме некои потешкотии:

Не ја користи како повратна адресата од Друштвото. Тоа неисправно би покажало дека кореспонденцијата била испратена од нашите канцеларии, предизвикувајќи непотребни проблеми и понекогаш — екстра трошок.

Осигурај се дека ја имаш исправната адреса и достаточна поштарина.

Не ги адресирај писмата до „Станарот“; користи конкретно име.

Не оставај писма на вратата кога нема никој дома.

Кратки писма се најдобри. Приложи трактат или списание наместо да се обидуваш да пишуваш една предолга порака.

Писмата напишани на машина се полесни за читање и создаваат поповолен впечаток.

Писмата не се сметаат како повторни посети ако претходно лично не си му сведочел на поединецот.

Ако му пишуваш на лице кое порано покажало интерес, треба да му дадеш адреса или телефонски број за да може да контактира со тебе. Објасни ја нашата програма за проучување на Библијата.

Дај му покана за состаноците во локалното собрание. Дај му ја адресата и времињата за состанок.

Не продолжувај да им испраќаш писма на оние кои не се дома откако ќе го предадеш подрачјето; објавителот кој моментално го држи подрачјето е одговорен да го обработува.