Рубрика прашања

◼ Зошто е потребно да бидеме претпазливи кога сведочиме преку писма?

Давањето сведоштво преку писмо е метода на пренесување на добрата вест што го положила испитот на времето. Меѓутоа, поради неодамнешните настани на светската сцена, луѓето се претпазливи кога станува збор за отворање писма од непознати. На пликовите од непознат извор или без повратна адреса честопати се гледа со недоверба, особено ако се рачно напишани и гломазни. Станарите можат да ги фрлат таквите писма без да ги отворат. Како да спречиме да се случи тоа?

Ако е можно, и писмото и пликот треба да бидат отчукани на машина. Пликот треба да биде адресиран на името на станарот. Не адресирај го со: „До станарот“. Освен тоа, секогаш напиши и повратна адреса. Ако не е препорачливо да ја дадеш својата лична адреса, дај го твоето име и адресата на Салата на Царството. Не праќај анонимни писма. Никогаш не користи ја адресата на канцеларијата на подружницата. (Види Рубрика прашања во Наша служба за Царството од ноември 1996.)

Натамошни предлози и пример-писмо ќе можат да се најдат во книгата Извлечи корист од образованието во Теократската школа за служба, страници 71—73, кога ќе ја имаме на располагање. Овие упатства ќе ни помогнат делотворно да користиме писма за да ги достигнеме другите со добрата вест.