Да им помогнеме на семејствата да си обезбедат трајна иднина

¹ „Алчноста е здрава“, им рекол еден финансиски стручњак на апсолвентите на еден универзитет, додавајќи: „Можете да бидете алчни, а сепак да се чувствувате задоволни.“ Ова е типично за тоа како светот го унапредува интересот за себеси како начин да се осигура иднината. Во остра спротивност, Исус поучил дека еден христијанин мора „да се одрече од себе . . . оти каква полза е за човека, ако го придобие целиот свет, а на душата своја ѝ напакости?“ (Мат. 16:24—26). За да си обезбеди трајна иднина, едно лице мора да го сосредоточи целиот свој живот на вршење на Божјата волја — најважната цел за семејствата денес (Псал. 142:10; 1. Тим. 4:8). Таа порака е пренесена во последното поглавје од книгата Тајната на семејната среќа. Оваа нова публикација им помага на луѓето да сфатат што е навистина важно во животот и како можат тие да дејствуваат во корист на нивните семејства. Додека продолжуваме да ја проповедаме добрата вест насекаде, што можеме да кажеме за да ги охрабриме оние кои ги среќаваме да ја читаат книгата Семејна среќа? Еве некои предлози:

² За да започнеш разговор и на врата и на улица, можеш да се обидеш да го користиш трактатот „Радувај се на семејниот живот“. Би можел да прашаш:

◼ „Дали мислите дека е можно да имаме вистински среќен семеен живот покрај сите грижи што ни ги наметнува современото живеење? [Дозволи одговор.] Овој трактат нѐ уверува дека тоа е можно. Дали би сакале да го прочитате?“ Ако е прифатен, би можел да продолжиш со зборовите: „Со оглед на тоа што Вие сте заинтересирани за оваа тема, можеби ќе се радувате и на оваа книга, која дава детален совет за тоа како да се најде среќа во семејниот круг“. Покажи ја содржината на книгата Семејна среќа. Истакни неколку привлечни наслови на поглавја. Сврти на 10. страница и читај од последната реченица на 17. пасус до крајот на 18. пасус. Понуди ја книгата и спомни ја подготовката за донации. Објасни дека имаш да споделиш и повеќе од тоа и запрашај кога би можеле повторно да стапите во контакт.

³ Би можел да го продолжиш првиот разговор во врска со среќниот семеен живот со тоа што ќе кажеш:

◼ „Би сакал да истакнам нешто од книгата која ја добивте, што мислам дека ќе го цените. Последното поглавје се сосредоточува на вистинската тајна на семејната среќа. [Прочитај го 2. пасус на страница 183.] Забележете дека клучот е во тоа — да се работи заедно за да се извршува Божјата волја. Ние препорачуваме семејствата заедно да ја проучуваат Библијата за да дознаат која е Божјата волја и како да ја применат во домаќинството. Нудиме бесплатен курс за проучување на Библијата кој трае само неколку месеци. Ако ми дозволите, ќе Ви покажам како се води тој курс“. Наврати со брошурата Што бара Бог од нас? или со книгата Спознание, она што повеќе би одговарало.

⁴ Кога разговараш со соученици на училиште или со млади на подрачјето, би можел да добиеш одговор на ова прашање:

◼ „Колку е важно за родителите и за нивните деца да ги држат отворени меѓусебните линии на комуникација? [Дозволи одговор.] Забележете што вели овој прирачник за семејниот живот во врска со темата: ‚Искрена и отворена комуникација‘. [Прочитај го целиот 4. и првата реченица од 5. пасус на страница 65 од книгата Семејна среќа.] Пасусите што следуваат даваат практични предлози за тоа како да се подобри комуникацијата во семејството. Оваа книга носи наслов Тајната на семејната среќа. Ако сакате да ја читате и ветувате дека ќе го сторите тоа, можете да го задржите овој примерок“. Објасни дека ќе навратиш подоцна за да ги чуеш неговите коментари за она што ќе го прочита.

⁵ Би можел да градиш на првиот разговор со некој млад човек во врска со комуникацијата родител—дете, со тоа што ќе го кажеш ова:

◼ „Го ценев интересот што го покажавте за важноста да имате добра комуникација во Вашето семејство. Што би рекле, која е најважната тема за која треба да дискутираат родителите и децата?“ Дозволи одговор. Потоа, сврти на 68. страница од книгата Семејна среќа и прочитај го одговорот што се наоѓа во првата половина од 11. пасус. „Да се има седмична библиска студија е одличен начин да се стекне спознание за Бог.“ Претстави ја брошурата Што бара Бог од нас? Објасни дека нејзините 16 лекции даваат основен нацрт за библиската порака. Прочитај го уводот на 2. страница, а потоа дискутирајте заедно за првата лекција.

⁶ Ако во делото од куќа до куќа или можеби во парк или, пак, на некое игралиште сретнеш родител, би можел да побудиш интерес со зборовите:

◼ „Сигурен сум, ќе се сложите дека да се подигаат деца денес е вистински предизвик. Што мислите, што ќе го заштити Вашето семејство од нездрави влијанија? [Дозволи одговор.] Тука има еден здрав совет кој јас го сметам за вреден“. Раскажи ја илустрацијата од 1. пасус и прочитај го пасус 2 на страница 90 од книгата Семејна среќа. Објасни како таа дава урамнотежено водство кое навистина функционира за да ги заштити семејствата од погубни влијанија. Понуди да оставиш примерок и стави се на располагање да одговориш на кои било прашања што ќе се појават.

⁷ При твојата втора посета на родител кој ја примил книгата „Семејна среќа“, би можел да го продолжиш разговорот вака:

◼ „Кога првпат се запознавме, можев да видам дека Вие вистински се грижите за Вашите деца и дека сакате да сторите сѐ што можете за да ги заштитите од лоши влијанија. Можеби сѐ уште не сте ја прочитале книгата што Ви ја оставив, но во неа е дадено едно многу важно забележување кое треба да го видите. [Прочитај го 19. пасус на страница 59.] За да развиеме еден однос со Бог, од нас се бара да го запознаеме преку страниците на неговата напишана Реч, Библијата. Дали ќе сакате да Ви покажам на кој начин ние ја проучуваме Библијата како семејство?“

⁸ Световните советници не можат да им го покажат на семејствата патот до среќа, туку сигурно ќе ги остават разочарани. Нашироко да ја дистрибуираме книгата Семејна среќа за да им помогнеме на луѓето насекаде да си обезбедат трајна иднина преку Божјата Реч (1. Тим. 6:19).