Да ја споделуваме со другите Тајната на семејната среќа
1 Семејството е основна единка на човечкото општество и од семејството настануваат села, градови, држави и цели нации. Денес семејната единка е под притисок како никогаш порано. Моќни сили дејствуваат заканувајќи му се на самото постоење на семејниот живот. Колку сме само благодарни што Јехова, Конструкторот на семејното уредување, нѐ снабдил со инструкции за да можеме да постигнеме семејна среќа! Оние кои ги следат неговите упатства увидуваат дека проблемите се минимизираат и произлегува успешна семејна единка. Во текот на септември ја имаме предноста со другите да ја споделуваме книгата Тајната на семејната среќа. Преземи иницијатива да им пристапуваш на луѓето на тема — семеен живот. Биди пријателски настроен, позитивен и прониклив. Што би можел да кажеш?
2 Би можел да почнеш со тоа што ќе поставиш прашање, како што е:
◼ „Дали сте забележале дека на многу семејства им е тешко да ги поднесат притисоците на животот? [Дозволи одговор.] Извештаите покажуваат дека многу луѓе доживуваат тешкотии во домот. Според Ваше верување, што би им помогнало на семејствата да најдат поголема стабилност и среќа? [Дозволи одговор.] Бидејќи Бог го втемелил семејното уредување, зарем не би било разумно да ги испитаме упатствата што ги дал тој? [Прочитај 2. Тимотеј 3:16, 17.] Таквата корисна поука е изложена во оваа книга Тајната на семејната среќа“. Потоа, прашај го поединецот што мисли за тоа кој е вообичаен семеен проблем, покажи го поглавјето кое дискутира за тој проблем и понуди ја книгата.
3 На повторната посета би можел да се стремиш кон целта да започнеш библиска студија, со тоа што ќе кажеш:
◼ „Размислував за она што го рековте на темата семеен живот и Ви донесов нешто во кое мислам дека ќе уживате. [Покажи ја брошурата Бара, сврти на страница 16 и прочитај ги шесте прашања на врвот.] Очигледно, секој во семејството мора да го направи својот дел за да придонесе кон семејната среќа. Ако имате само неколку минути, ќе Ви демонстрирам како можете да извлечете најголема корист од овие информации“. Потоа, почни со проучување на лекција 8.
4 Друг начин да започнеш дискусија е да спомнеш некој проблем, можеби со тоа што ќе речеш:
◼ „Иако секој сака да има чувство на исполнетост и задоволство, изгледа дека многу семејства всушност не успеваат во тоа. Според Ваше мислење, што би им помогнало да најдат вистинска среќа? [Дозволи одговор.] Одамна, Библијата открила каков вид проблеми ќе гледаме во семејствата денес. [Прочитај 2. Тимотеј 3:1—3.] Меѓутоа, Библијата им кажува на семејствата и што да прават за да ги решат тие проблеми и да постигнат трајна среќа. Нејзините начела се изложени во оваа книга — Тајната на семејната среќа“. Потоа, покажи ја рамката за повторување на крајот од некое прикладно поглавје, прочитај ја и понуди ја книгата.
5 Кога навраќаш, за да започнеш студија, употреби ја брошурата „Бара“. Би можел да кажеш:
◼ „Бев импресиониран од Вашата спремност да ги испитате библиските начела кои важат за семејниот живот. Искуството покажало дека најдобрите резултати се постигнати преку следење на практичниот совет кој се наоѓа во Библијата. Тука има едно едноставно објаснување зошто е тоа така“. Прочитај го првиот пасус од лекција 1 во брошурата Бара, вклучувајќи го или Псалм 1:1—3 или Исаија 48:17, 18. Доколку приликата дозволува, разгледајте го остатокот од лекцијата. Понуди да навратиш за да ја проучите следната лекција заедно.
6 Во врска со нашата литература: Знаејќи дека сета наша литература е вредна и дека нејзиното издавање чини пари, дали се колебаш да им нудиш списанија, брошури или книги на луѓето кои ги среќаваш? Како можеме да се увериме дека не ја раздаваме литературата на луѓе кои немаат ценење? Еден начин е да го прашаш лицето дали ќе вети дека ќе го чита артиклот што му го презентираш.
7 Кога ја нудиш книгата „Семејна среќа“, би можел да го кажеш ова:
◼ „Доколку ветите дека ќе ја читате оваа книга, ќе Ви ја оставам бесплатно. [Дозволи одговор.] Можеби се прашувате како можеме да си го дозволиме тоа. Тоа е така бидејќи нашето дело се поддржува со доброволни донации. Доколку би сакале да дадете мала донација за нашето дело, јас радо ќе ја прифатам“. Еден брат добивал мал одѕив сѐ додека не направил две промени. Прво, тој додавал еден збор, велејќи: „Доколку денес сакате да дадете мала донација за нашето дело, јас радо ќе ја прифатам“. Како следно, тој запирал доволно долго за да му дозволи на станарот да одговори. Потоа, се чувствувал посигурен дека литературата е ценета и дека ќе ја читаат.
8 Да го вложиме секој напор што можеме за да ја споделуваме со другите тајната која води до семејна среќа — следејќи ги инструкциите кои се изложени во Божјата Реч (Псал. 18:7—10).