КАКО ДА СЕ СПРАВИШ СО РАСТЕЧКИТЕ ЦЕНИ
Прифати ја реалноста
Кога цените растат постепено, можеби не го забележуваме тоа, особено ако паралелно со нив се покачуваат и платите. Меѓутоа, кога цените нагло скокаат, а платите тапкаат во место, може да станеме загрижени и да бидеме под стрес, посебно ако треба да издржуваме семејство.
Не можеме да спречиме трошоците за живот да растат. Но тоа што ќе го прифатиме овој факт, всушност, може да ни користи.
ЗОШТО Е ВАЖНО
На луѓето што сфаќаат дека немаат контрола врз растечките цени полесно им е да...
останат смирени. Кога сме смирени, размислуваме појасно и носиме подобри одлуки.
избегнат лоши навики. На пример, лоша навика би било да не се плаќаат сметките или да се трошат пари на непотребни работи.
избегнат кавги во семејството во врска со парите.
изнајдат начини да се справат со проблемот, што може да вклучува правење промени во приоритетите и во навиките на трошење.
ШТО МОЖЕШ ДА ПРАВИШ
Биди приспособлив. Во периоди на висока инфлација, доколку е можно, мудро е да трошиме помалку и да го купуваме само она што ни е потребно. Некои луѓе се обидуваат да живеат на висока нога иако реално тоа не можат да си го дозволат. Ова е како да се обидуваат да пливаат спротивно на течението на една брза река. Така, само се исцрпуваат. Доколку имаш семејство, нормално е да се грижиш како ќе му го обезбедиш она што му е потребно. Сепак, имај го на ум следново: На членовите на твоето семејство им се потребни љубов, време и внимание повеќе од што и да е друго.
Да се обидуваш да живееш на висока нога, иако тоа реално не можеш да си го дозволиш, е како да се обидуваш да пливаш спротивно на течението на една брза река