Одличната предност на службата
1 Еден читател рече дека научил многу повеќе работи од вистинска вредност читајќи ги Стражарска кула и Разбудете се! отколку што научил во текот на шестгодишното факултетско школување. Не е невообичаено искрените читатели да дадат такви охрабрувачки изјави на ценење откако ги читале овие списанија само кратко време. Колкава предност е за нас што можеме редовно да ги споделуваме нашите списанија со оние кои навистина ги ценат!
2 Многу луѓе, иако имаат некаков интерес за вистината, не напредуваат до точката кога би прифатиле домашна библиска студија. Но нивниот интерес може да се негува ако некој редовно навраќа со секое ново издание на Стражарска кула и Разбудете се! Да, тоа што верно биле оставани списанија во обиколката со списанија помогнало луѓето да се двигнат и конечно да се согласат на редовна библиска студија.
3 Извлекуваме лична корист од обиколката со списанија ако прво ги прочитаме списанијата и ги забележиме конкретните мисли кои посебно ќе го интересираат секое лице од нашиот список.
4 Задржи на ум дека она што одредува дали треба да го вклучиш станаровото име во својот список за посети во обиколката со списанија е големината на неговиот интерес. Ако лицето покажува вистински интерес кога ги прима списанијата, можеш да му објасниш дека секои две седмици во нашите списанија се појавуваат истакнати статии и дека ќе ти биде драго да му ги врачуваш. Погрижи се редовно да го правиш тоа, користејќи ги приликите да разговараш со станарот за библиски теми. Уверени сме дека ќе уживаш во оваа одлична предност на службата.