Помогни им на другите да го стекнат спознанието кое води до вечен живот

¹ Апостол Павле објаснил дека ‚Божја волја е сите видови луѓе да дојдат до точно спознание за вистината‘ (1. Тим. 2:4, НС). Како можеме да им помогнеме на другите да се здобијат со тоа спознание? Еден начин е со вршење на повторни посети кај луѓе чиј интерес бил поттикнат преку книгата Спознание кое води до вечен живот. Оваа публикација ја претставува библиската вистина со јасни, едноставни и добро избрани зборови. Преку проучување на истата, луѓе од сите видови можат да бидат водени до живот. Што можеме да речеме, а кое ќе ги охрабри другите да ја проучуваат оваа книга со нас?

² Кај оние кои покажале интерес за Библијата како за практичен водич, можеш да навратиш и да понудиш студија, можеби велејќи:

◼ „Минатиот пат разговаравме за тоа зошто можеме да ѝ веруваме на Библијата како на практичен извор на водство. Бидејќи е инспирирана од Бог, Библијата е исто така и сигурен извор на утеха и надеж, како што се изразил еден од Христовите апостоли. [Прочитај Римјаните 15:4.] На крајот од нашиот последен разговор јас го поставив прашањето: Како можеме да извлечеме лична корист од спознанието што го содржи Библијата?“ Прочитај го 18. пасус на страница 11 во книгата Спознание. Нагласи дека Јеховините сведоци водат околу пет милиони библиски студии ширум светот, помагајќи им на луѓето секаде да се здобијат со спознание кое води до вечен живот. Покажи кратко како се води студија, користејќи ги првите пет пасуси во 1. поглавје.

³ Ако темата за која првобитно си разговарал со некого била молитвата, во обид да започнеш студија можеш да го испробаш овој пристап:

◼ „Се надевам дека Ви се допадна информацијата во врска со молитвата, за која дискутиравме од книгата Спознание кое води до вечен живот. Ви ветив дека ќе навратам повторно и дека заедно ќе разгледаме како оние кои му се молат на Бог, од друга страна, можат да го слушаат него. Забележете што се изјавува на 158. страница. [Прочитај го 18. пасус.] Така, со лично проучување на Библијата, ние слушаме што има Бог да ни каже. Правејќи го тоа, уште повеќе се приближуваме кон него а тоа ни помага да се справиме со секојдневните проблеми за кои се молиме. Ќе ми биде задоволство да ја проучувам Библијата со Вас“. Ако лицето има желба, започни со првото поглавје од книгата Спознание.

⁴ Ако си го применил директниот пристап да започнеш студија, како продолжение на првобитната дискусија би можел да го кажеш следново:

◼ „Вложив посебен напор повторно да Ве посетам, бидејќи сакав да Ви кажам нешто повеќе околу нашата програма за бесплатно проучување на Библијата. Ви оставив примерок од оваа книга, Спознание кое води до вечен живот, која е помошното средство што го користиме за проучување. Забележете како тоа нѐ охрабрува да размислуваме за Божјата Реч. [Прочитај го 23. пасус на 22. страница.] Ве молам, ако сакате да го донесете Вашиот примерок, можеби ќе можеме да продолжиме со проучувањето таму каде што застанавме минатиот пат“. Ако на првата посета не била започната студија, би можел да кажеш: „Можеби ова ќе биде добра прилика да Ви демонстрирам како ние ја проучуваме Библијата“. По разгледувањето на неколку пасуси, договори прецизно време да навратиш за следното проучување.

⁵ Ефективното користење на книгата Спознание ќе нѐ оспособи да шириме точно спознание кое ќе биде благослов за другите (Изр. 15:7). Ваквото спознание ќе им донесе радост на оние чии срца се праведни и тоа ќе биде еден силен потстрек да живеат во склад со Јеховината праведност, која конечно ќе ги доведе до вечен живот.