Како да водиме библиски студии со книгата Божјата љубов
1. Која е целта на книгата Зачувај ја Божјата љубов?
1 Зарем не бевме воодушевени кога на Обласниот конгрес „Нека те води Божјиот дух“ ја добивме книгата Зачувај ја Божјата љубов? Како што беше кажано и тогаш, целта на оваа книга не е да нѐ поучи за основните библиски вистини туку да ни помогне секогаш да ги имаме на ум и да ги сакаме Јеховините мерила на однесување. Оваа книга нема да ја нудиме во службата од куќа до куќа.
2. Како ќе ја користиме оваа книга, и со кого?
2 Оваа публикација ќе биде втората книга што ќе ја проучуваме со интересентите откако ќе ја завршат книгата Што учи Библијата. Имајте на ум дека сите не напредуваат со исто темпо. Затоа, треба да се приспособиме на можностите на секој интересент. Погрижете се тој добро да го разбере материјалот што го обработувате. Во најголем број случаи, оваа книга не треба да ја проучуваме со луѓе кои веќе проучувале повеќе книги, но не доаѓаат на собраниските состаноци и не сакаат да живеат според библиските вистини за кои биле поучени.
3. Што треба да правиш ако моментално водиш библиска студија со книгата Обожавај го Бог?
3 Ако моментално водиш библиска студија со книгата Обожавај го Бог, и веќе сте при крај, можеби ќе одлучиш да ја довршите таа книга и да го поттикнеш интересентот сам да си ја прочита книгата Божјата љубов. Но, би било најдобро да се префрлите на новата книга и да започнете од почеток. Како што е случај и со книгата Што учи Библијата, не е задолжително заедно да ги разгледувате темите од додатокот.
4. Што да правиш ако интересентот се крсти пред да ги заврши книгите Што учи Библијата и Божјата љубов?
4 Доколку интересентот се крсти пред да ги заврши и двете книги, со него треба да се проучува сѐ додека не ја доврши и книгата Божјата љубов. Иако е веќе крстен, можеш да ги известиш времето, повторната посета и библиската студија. Објавителот што те придружува и учествува во проучувањето може исто така да го извести времето.
5. Како може со оваа книга да им се помогне на објавителите кои веќе некое време се неактивни во службата?
5 Ако член од Одборот на собранието те задолжи да проучуваш со некој што е неактивен во службата, можеби ќе ти биде предложено да обработите некои конкретни поглавја од книгата Божјата љубов. Таквите студии не треба да се водат долг период. Многу сме благодарни за оваа прекрасна нова книга чија цел е да ни помогне да ја зачуваме „Божјата љубов“!(Јуда 21).