Како да ги понудиш списанијата

Стражарска кула 1 февруари

„Повеќето луѓе имаат своја религија. Што мислите, дали на Бог му е важно на која религија ѝ припаѓаме? [Почекај да одговори. Потоа прочитај Матеј 15:9.] Во оваа статија се разгледани четири работи по кои Исус рекол дека ќе се препознае вистинската религија.“ Покажи ја статијата што почнува на 16. страница.

Разбудете се! Февруари

„Некои веруваат во Творец, додека други мислат дека таквото верување е ненаучно и неразумно. Што мислите Вие? [Почекај да одговори.] Според Библијата, вистинската вера се темели на докази. [Прочитај Евреите 11:1.] Во оваа статија се наведени некои докази што потврдуваат дека постои Творец.“ Покажи ја статијата што почнува на 22. страница.

Стражарска кула 1 март

„Што мислите, дали Библијата е Божја Реч или, пак, е само една добра книга? [Почекај да одговори.] Видете што вели самата Библија за тоа. [Прочитај 2. Тимотеј 3:16, 17.] Во ова списание ќе најдете информации што ќе Ви помогнат да донесете правилна одлука по тоа прашање, и ќе дознаете зошто е важно тоа.“

Разбудете се! Март

„Како повеќето луѓе, веројатно и Вие им се восхитувате на убавините во природата. Но, дали се согласувате дека во природата може да се видат и докази дека некој ги создал тие убавини? [Почекај да одговори. Потоа прочитај Псалм 104:24.] Ова списание дава интересни примери кои го потврдуваат тоа и истакнува што можеме да научиме од нив.“