Посебната акција за Спомен-свеченоста почнува на 1 март

1. Кога ќе почнеме да ги каниме луѓето на Спомен-свеченоста, и зошто оваа година акцијата ќе трае подолго?

¹ Во петок, на 1 март, ќе почне акцијата во која ќе ги каниме луѓето да дојдат на Спомен-свеченоста. Споменот ќе се одржи на 26 март, што значи дека оваа година акцијата ќе трае малку подолго отколку претходните години. Така поголем број луѓе ќе имаат можност да добијат покана, особено ако живеат во место каде што собранието има прилично големо подрачје.

2. Како може да се добијат покани, и какви планови се направени за да се обработи подрачјето?

² Да се направат планови: Старешините ќе дадат упатства како да се обработи подрачјето и ќе ги известат објавителите дали да остават покани кај оние што нема да ги најдат дома. Откако подрачјата ќе бидат обработени од врата до врата, ако останат покани, можеме да ги даваме и додека сведочиме јавно — на улица, на паркинзи, во паркови, на деловно подрачје и слично (Дела 20:20). Надгледникот за служба ќе се погрижи на штандот за литература во Салата да има доволно покани на кои веќе се наведени местото и времето, но нема да бидат извадени сите покани наеднаш. Треба да земеме само онолку покани колку што ќе ни требаат за една седмица.

3. Што треба да имаме на ум кога ќе ги нудиме поканите?

³ Што да речеме? Најдобро е да бидеме кратки, зашто така ќе можеме да поканиме повеќе луѓе. На 4. страница има предлог што можеме да го прилагодиме на нашето подрачје. Се разбира, нема потреба да брзаме ако станарот е фин или има прашања. Кога ќе ги делиме поканите за време на викендите, можеме да понудиме и списанија. На 2 март ќе се концентрираме на тоа да даваме покани наместо да започнуваме библиски студии.

4. Зошто треба ревносно да учествуваме во акцијата?

⁴ Се надеваме дека мнозина ќе дојдат на Спомен-свеченоста. Во говорот ќе биде објаснето кој навистина е Исус (1. Кор. 11:26). Ќе биде истакнато зошто неговата смрт е за наше добро (Рим. 6:23). И ќе биде кажано зошто е важно да се сеќаваме на него (Јован 17:3). Затоа, ревносно да учествуваме во акцијата!