Како да започнуваме разговори со трактати

Од јануари 2018 год., на насловната страница на Нашиот живот и служба — работни листови излегуваат предлози за разговор. Бевме поттикнати да водиме разговори со луѓето наместо само да им нудиме литература. За да го приспособиме нашиот пристап, на состанокот гледаме видеоклипови во кои е прикажано како да започнуваме разговор само со помош на Библијата. Дали ова значи дека не треба да користиме литература кога проповедаме од куќа до куќа? Воопшто не! На пример, трактатите можат многу да ни помогнат да почнеме разговор со некој станар. Кога користиме трактат, може да го примениме следниов пристап:

1. Прочитај ги прашањето и понудените одговори на првата страница.

2. Покажи го библискиот одговор што се наоѓа во стихот наведен на 2. страница. Ако станарот има време, прочитај некои од информациите во трактатот и разговарајте за нив.

3. Понуди му го трактатот на станарот, и поттикни го да го прочита кога ќе може.

4. Пред да си заминеш, покажи му го прашањето на последната страница во делот „Размисли“, и договорете се да го разгледате библискиот одговор кога ќе се видите следниот пат.

Кога повторно ќе го посетиш станарот, разгледајте го одговорот и постави друго прашање за кое ќе може да зборувате следниот пат. Можеш да избереш некое прашање од нашата интернет-страница или од публикацијата која е наведена на последната страница од трактатот. Кога ќе се укаже прилика, понуди ја брошурата Добра вест од Бог! или некоја друга публикација за проучување.