ЛЕКЦИЈА 03
Дали можеш да имаш доверба во Библијата?
Библијата содржи многу ветувања и најразлични совети. Веројатно си љубопитен што пишува во неа, но можеби си и претпазлив. Можеш ли да им веруваш на ветувањата и советите од една толку стара книга? Дали она што го вели Библијата е корисно за нас денес? И можеме ли да имаме доверба во она што го вели за иднината? Милиони луѓе имаат доверба. Да видиме дали можеш да имаш и ти.
1. Дали настаните во Библијата се измислени или вистинити?
Самата Библија тврди дека содржи точни „зборови на вистината“ (Проповедник 12:10). Во неа се спомнати настани кои навистина се случиле и луѓе кои навистина постоеле. (Прочитај Лука 1:3; 3:1, 2.) Многу историчари и археолози потврдиле дека се точни информациите кои Библијата ги содржи во врска со некои важни датуми, луѓе, места и настани.
2. Зошто може да кажеме дека Библијата не е застарена книга?
Библијата честопати спомнува работи кои не им биле познати на луѓето во времето кога биле запишани. На пример, во неа се спомнати некои информации кои се поврзани со науката. Во времето кога биле запишани тие информации, голем број луѓе не верувале во нив. Сепак, современата наука потврдува дека она што го вели Библијата е точно. Нејзините зборови секогаш се „достојни за доверба“ (Псалм 111:7, 8).
3. Зошто може да имаме доверба во она што Библијата го кажува за иднината?
Библијата содржи пророштваa за работи кои уште не се случиле (Исаија 46:10). Таа точно прорекла голем број историски настани долго пред да се случат. Исто така, во многу детали ги опишала условите кои денес владеат во светот. Во оваа лекција ќе разгледаме некои од библиските пророштва. Навистина воодушевува нивната точност!
ДОЗНАЈ ПОВЕЌЕ
Во овој дел ќе разгледаш неколку докази што потврдуваат дека Библијата е во склад со современата наука, и ќе се запознаеш со некои библиски пророштва кои се исполниле на впечатлив начин.
4. Библијата е во склад со науката
Во минатото, повеќето луѓе верувале дека Земјата е потпрена на нешто. Пушти го ВИДЕОКЛИПОТ.
Забележи што е запишано во книгата Јов пред околу 3.500 години. Прочитај Јов 26:7, а потоа разговарајте за следново прашање:
Зошто восхитува фактот што во овој стих пишува дека Земјата е „обесена на ништо“?
Луѓето разбрале како се одвива кружниот тек на водата пред околу 200 години. Сепак, забележи што било запишано во Библијата пред околу 3.500 години. Прочитај Јов 36:27, 28 и Проповедник 1:7, а потоа разговарајте за следниве прашања:
Што ти остава впечаток во врска со описот на кружниот тек на водата во овие стихови?
Дали стиховите што сега ги прочита ти ја зајакнуваат довербата во Библијата?
5. Во Библијата се проречени важни настани
Прочитај Исаија 44:27 — 45:2, а потоа разговарајте за следново прашање:
Кои детали ги прорекла Библијата 200 години пред падот на Вавилон?
Историјата потврдува дека цар Кир од Персија и неговата војска го освоиле градот Вавилон во 539 год. пр.н.е.b Тие го свртеле текот на реката која го штитела градот. Портите на градот биле оставени отворени и тие влегле во него и го освоиле без битка. Оттогаш поминале повеќе од 2.500 години, а Вавилон сѐ уште лежи во урнатини. А сега забележи што прорекла Библијата.
Прочитај Исаија 13:19, 20, а потоа разговарајте за следново прашање:
Како она што се случило со Вавилон потврдува дека ова пророштво навистина се исполнило?
Урнатините на Вавилон во денешен Ирак
6. Библијата го прорекла она што се случува денес
Во Библијата пишува дека живееме во „последните денови“ (2. Тимотеј 3:1). Забележи што прорекла Библијата за овој период.
Прочитај Матеј 24:6, 7, а потоа разговарајте за ова прашање:
Според Библијата, што ќе се случува во последните денови?
Прочитај 2. Тимотеј 3:1-5, а потоа разговарајте за следниве прашања:
Според Библијата, какви ќе бидат луѓето во последните денови?
Кои од овие особини си ги забележал кај луѓето?
НЕКОИ ВЕЛАТ: „Библијата е книга полна со бајки и измислени приказни“.
Според тебе, кој е најсилниот доказ дека може да имаме доверба во Библијата?
ШТО НАУЧИ:
Историјата, науката и пророштвата покажуваат дека може да имаме доверба во Библијата.
Како би одговорил?
Дали настаните во Библијата се измислени или вистинити?
Кои се некои работи што покажуваат дека Библијата е во склад со науката?
Дали Библијата ја прорекува иднината, и зошто мислиш така?
ИСТРАЖУВАЈ
Има ли во Библијата работи што се косат со науката?
„Дали Библијата е во склад со науката?“ (Статија на интернет)
Што прорекла Библијата за „последните денови“?
„6 библиски пророштва што се исполнуваат пред твои очи“ (Стражарска кула од 1 мај 2011)
Дознај како се исполниле библиските пророштва во врска со Грчкото Царство.
Прочитај како библиските пророштва му помогнале на еден човек да си го смени гледиштето за Библијата.
a Пророштва се пораки од Бог за настани кои треба да се случат во иднина.
b Кратенката „пр.н.е.“ значи „пред нашата ера“, а „н.е.“ значи „нашата ера“.