Нашата вера нѐ поттикнува на добри дела

¹ Верата ги натерала Ное, Мојсеј и Раав на акција. Ное ја изградил арката. Мојсеј ги напуштил привремените користи на животот на фараоновиот двор. Раав ги скрила шпионите, потоа ги послушала нивните упатства и на тој начин го спасила своето домаќинство (Евр. 11:7, 24—26, 31). Кои добри дела нѐ поттикнува да ги правиме нашата вера денес?

² Сведочење: Верата нѐ поттикнува да зборуваме за нашиот прекрасен Бог и за неговите подготовки за вечна среќа (2. Кор. 4:13). Понекогаш можеби се колебаме да дадеме сведоштво. Но, ако Јехова ‚ни е секогаш пред очите‘, ние сме зајакнати и стравот попушта (Псал. 16:8). Тогаш нашата вера нѐ поттикнува да ја споделуваме добрата вест со роднините, соседите, колегите, соучениците и со другите во секоја погодна прилика (Рим. 1:14—16).

³ Заедничко состанување: Редовното присуство на состаноците е уште едно добро дело што произлегува од верата. Како? Тоа ја покажува нашата увереност дека Исус е со нас преку Божјиот свет дух кога се собираме на христијанските состаноци (Мат. 18:20). Ја покажува и нашата желба ‚да чуеме што им вели духот на собранијата‘ (Откр. 3:6). Сериозно ја сфаќаме поуката што ја добиваме затоа што со нашите очи на верата согледуваме дека оној што нѐ поучува е нашиот Голем Учител, Јехова (Иса. 30:20).

⁴ Одлуките што ги донесуваме: Силната увереност во невидливите стварности нѐ поттикнува да им дадеме приоритет на духовните работи во нашиот живот (Евр. 11:1). Ова честопати вклучува материјални жртви. На пример, еден старешина одбил добро платено работно место во светот затоа што тоа би значело дека ќе треба да ги пропушта состаноците, да не биде заедно со своето семејство и да се откаже од пионерската служба. На сличен начин можеме и ние да ја положиме нашата целосна доверба во библиското уверување дека Јехова ќе се погрижи за оние што ‚продолжуваат . . . да го бараат најнапред царството и Неговата праведност‘ (Мат. 6:33).

⁵ Силното влијание што го има верата врз нашите животи не поминува незабележано од другите. Навистина, нашата вера е позната во целиот свет (Рим. 1:8). Затоа, сите ние да покажеме со добри дела дека нашата вера е жива (Јак. 2:26).