Можеш ли да подадеш рака?
1 Јехова секогаш бара начин да им подаде рака на своите лојални слуги (2. Лет. 16:9; Иса. 41:10, 13). Споредувајќи го со грижлив пастир, Исаија напишал: „Во рацете ги зема јагнињата, ги носи во Својата прегратка, и внимателно ги негува доилките“ (Иса. 40:11). Да разгледаме некои начини на кои можеме да ја имитираме грижата полна со љубов што ја покажува Јехова.
2 Подај им рака на новите: Можеме да им помогнеме на новите така што ќе ги поканиме да уживаат во изградувачко дружење со нас (Посл. 13:20). Спомнувајќи си како другите му помогнале кога почнал да се дружи со собранието, еден брат рекол: „Во неколку прилики, едно семејство ме вклучи во својата семејна студија. Додека напредував, една млада брачна двојка пионери редовно ме земаа по цели денови во служба. Секогаш водевме прекрасни духовни разговори“. Тој додал: „Пред да станам христијанин, имав обичај да излегувам во петок и во сабота навечер. Но, времето што го поминував со браќата ја задоволи мојата потреба од друштво“. Интересот што со љубов го покажало собранието, му помогнало на овој брат да се вкорени и да се утврди во верата, и тој сега служи како член на бетелската фамилија (Кол. 2:6, 7).
3 Изградувајте се еден со друг: Можеби ќе увидиме дека можеме да помогнеме кога нашите браќа се соочуваат со тешки околности. Можеш ли да се договориш да сведочиш по телефон заедно со некој болен објавител или, пак, да го поканиш да те придружува на библиска студија, па дури и да го одведеш кај него дома оној со кого проучуваш? Дали има некој родител со мали деца што ќе ја цени твојата помош во службата? Има ли и такви што се срамежливи и што со радост ќе прифатат да им помогнеш додека прават повторни посети или учествуваат во некој друг облик на службата? Интересот полн со љубов кон нашите браќа ќе нѐ поттикне да бараме начини да ги изградуваме (Рим. 14:19).
4 Додека ја имитираме нежната грижа што Јехова ја покажува кон своите слуги, се зајакнуваме едни со други, помагаме собранието да се зближи во љубов и го славиме нашиот небесен Татко (Ефеш. 4:16).