21 അപ്പോൾ യഹോവ മോശയോടു പറഞ്ഞു: “നീ ഈജിപ്‌തിൽ എത്തിയശേഷം, ഞാൻ നിനക്കു തന്നിട്ടുള്ള ശക്തി ഉപയോഗിച്ച്‌ ഫറവോന്റെ മുന്നിൽ ആ അത്ഭുതങ്ങളെല്ലാം കാണിക്കണം.+ പക്ഷേ അവന്റെ ഹൃദയം കഠിനമാകാൻ ഞാൻ അനുവദിക്കും.+ അവൻ ജനത്തെ വിട്ടയയ്‌ക്കില്ല.+
31 അങ്ങനെ യഹോവ മോശ പറഞ്ഞതുപോലെ ചെയ്‌തു. ആ ഈച്ചകൾ ഒന്നുപോലും ശേഷിക്കാതെ ഫറവോനെയും ദാസരെയും ജനത്തെയും വിട്ട്‌ പോയി. 32 എന്നാൽ ഫറവോൻ വീണ്ടും ഹൃദയം കഠിനമാക്കി; ജനത്തെ വിട്ടില്ല.
17 ഞാൻ ഈജിപ്‌തുകാരുടെ ഹൃദയം കഠിനമാകാൻ അനുവദിക്കുകയാണ്‌. അതുകൊണ്ട്‌ അവർ ഇസ്രായേല്യരെ പിന്തുടർന്നുചെല്ലും. അങ്ങനെ ഞാൻ ഫറവോനെയും അവന്റെ സർവസൈന്യത്തെയും യുദ്ധരഥങ്ങളെയും കുതിരപ്പടയാളികളെയും ഉപയോഗിച്ച്‌ എന്നെ മഹത്ത്വപ്പെടുത്തും.+