19 കാരണം, മനുഷ്യർക്കും മൃഗങ്ങൾക്കും ഒടുവിൽ സംഭവി​ക്കു​ന്നത്‌ ഒന്നുത​ന്നെ​യാണ്‌.+ ഒന്നു മരിക്കു​ന്ന​തു​പോ​ലെ മറ്റേതും മരിക്കു​ന്നു. അവയ്‌ക്കെ​ല്ലാം ഒരേ ജീവശ​ക്തി​യാ​ണു​ള്ളത്‌.*+ അതു​കൊണ്ട്‌, മനുഷ്യ​നു മൃഗങ്ങ​ളെ​ക്കാൾ ഒരു ശ്രേഷ്‌ഠ​ത​യു​മില്ല. എല്ലാം വ്യർഥ​മാണ്‌. 20 അവയെല്ലാം ഒരേ സ്ഥലത്തേ​ക്കാ​ണു പോകു​ന്നത്‌.+ എല്ലാം പൊടി​യിൽനിന്ന്‌ വന്നു,+ എല്ലാം പൊടി​യി​ലേ​ക്കു​തന്നെ തിരികെ പോകു​ന്നു.+

2 നീതിമാനും ദുഷ്ടനും,+ നല്ലവനും ശുദ്ധനും അശുദ്ധ​നും, ബലി അർപ്പി​ക്കു​ന്ന​വ​നും ബലി അർപ്പി​ക്കാ​ത്ത​വ​നും എല്ലാം ഒടുവിൽ സംഭവി​ക്കു​ന്നത്‌ ഒന്നുതന്നെ.+ നല്ലവനും പാപി​യും ഒരു​പോ​ലെ; ആണയി​ടു​ന്ന​വ​നും ആണയി​ടാൻ പേടി​ക്കു​ന്ന​വ​നും ഒരു​പോ​ലെ. 3 സൂര്യനു കീഴെ നടക്കുന്ന ദുഃഖ​ക​ര​മായ ഒരു കാര്യം ഇതാണ്‌: എല്ലാവർക്കും ഒടുവിൽ സംഭവി​ക്കു​ന്നത്‌ ഒന്നുതന്നെയായതുകൊണ്ട്‌+ മനുഷ്യ​രു​ടെ ഹൃദയ​ത്തിൽ തിന്മ നിറഞ്ഞി​രി​ക്കു​ന്നു. ജീവി​ത​കാ​ലം മുഴുവൻ അവർക്കു ഹൃദയ​ത്തിൽ ഭ്രാന്താ​ണ്‌. പിന്നെ അവർ മരിക്കു​ന്നു!*

11 പിന്നീട്‌, സൂര്യനു കീഴെ ഞാൻ ഇതും കണ്ടു: വേഗമു​ള്ളവർ ഓട്ടത്തി​ലും ബലമു​ള്ളവർ പോരാ​ട്ട​ത്തി​ലും എപ്പോ​ഴും വിജയി​ക്കു​ന്നില്ല.+ എപ്പോ​ഴും ജ്ഞാനി​കൾക്കല്ല ഭക്ഷണം, ബുദ്ധി​മാ​ന്മാർക്കല്ല സമ്പത്ത്‌.+ അറിവു​ള്ളവർ എപ്പോ​ഴും വിജയി​ക്കു​ന്നു​മില്ല.+ കാരണം, സമയവും അപ്രതീ​ക്ഷി​ത​സം​ഭ​വ​ങ്ങ​ളും അവരെ​യെ​ല്ലാം പിടി​കൂ​ടു​ന്നു.